Այսօր Տուշանպէյի մէջ կը գումարուի ՀԱՊԿ Հաւաքական անվտանգութեան պայմանագիր կազմակերպութեան՝ արտաքին գործոց նախարարներու խորհուրդի նիստը, որը համավարակի տարածումէն յետոյ առաջին անգամ տեղի կ՛ունենայ «դէմ առ դէմ» ձեւաչափով:
Ընթացիկ հարցերէն զատ նախարարները հանգամանօրէն կը քննարկեն իսրայէլ-պաղեստինեան հակամարտութեան սրացումը, ինչպէս նաեւ հայ-ատրպէյճանական սահմանին առկայ իրավիճակը։ Մերձաւոր Արեւելքի կարգաւորման թեման գլխաւորներէն մէկն է Ռուսաստանի Դաշնութեան Արտաքին գործոց նախարար Սերկէյ Լաւրովի եւ Ամերիկայի պետական քարտուղար Էնթընի Պլինքընի այսօրուան հանդիպման ժամանակ:
Այդ մասին յայտարարեց Սերկէյ Ռեաբկով, կը հաղորդէ Ռիա նովսթին։ Ամբողջ աշխարհի՝ հայ համայնքներուն կողմէ կը շարունակուին FreeArmenianPOWs ազատութիւն հայ գերիներուն լուռ ցոյցերը : Աշխարհի տարբեր քաղաքներու բնակիչներ կը պահանջեն ազատ արձակել հայ ռազմագերիները, որոնք արդէն Ատրպէյճանի կողմէն 6 ամիսէ ի վեր անօրինական կերպով գերութեան մէջ են եւ կ՛ենթարկուին անմարդկային վերաբերմունքի:
Մոտ օրէն ցոյցեր ՝ Մայիս 20-ին Հաագայի, Սոֆիայի, Սան Փաուլոյի,եւ Մոնռեալի մէջ, Մայիս 21՝ Ռիօ տը Ժանեյրօ, Մայիս 22՝ Լոնտոն եւ Քոփէնհակըն, մայիսի 23՝ Պրուքլին եւ Լոս Անճելըս,-կը յայտնեն Սփիւռքի գլխաւոր յանձնակատարի գրասենեակէն:
