Տաւուշի Բերդ համայնքին մէջ «ՖՐԵՍԿՕ» արդի արուեստի եւ հոգեւոր շարժապատկերի 7-րդ միջազգային փառատօնի ընթացքին ցուցադրուեցաւ նաեւ բանաստեղծուհի, հրապարակախօս Անուշ Նագգաշեանի հեղինակային «Երուսաղէմէն՝ Տաւուշ». ծանօթանանք Հայ Երուսաղէմ ծրագիրի ցուցադրութիւնը, որը պատրաստած է Ղևոնդ Վարդապետ Յովհաննիսեանը։
«Հայրենասիրութիւնը փոքր տարիքէն պէտք է թրծել երեխաներուն մէջ, և այս պատճառով որոշեցինք հաղորդում պատրաստել այս թեմայով, որպէսզի փոքրերուն մէջ հայրենասիրութիւնն աւելի ամրացնենք։ Կը Կարծեմ, որ անոնք ոչ միայն ամառները պէտք է երթան վայելեն հայրենիքը, այլ այնտեղ կատարուող ամէն մէկ իրադարձութիւնով ապրին։ Եթե մենք կ՛ուզենք հայ մնալ, ապա մեզ պէտք է հետաքրքրական ըլլայ այն ամէնը, որ կը կատարուի Հայաստանի մէջ, իսկ Տաւուշի վրայ յարձակումը, Լեռնային Ղարաբաղի վրայ յարձակումը և մեր զոհերը, որ եղան մեծ ցաւ է բոլորիս համար։ Որոշեցինք այս հաղորդումը նուիրել հայ զինուորներուն, որ անոնք իմանան, թէ Հայաստանէն դուրս ապրող հայերը, և ոչ միայն իրենց բարեկամներն ու ընկերները, այլ բոլորն ալ իրենց աղօթքներուն մէջ կը յիշեն», — ըսաւ Անուշ Նագգաշեան և աւելցուց, որ իրեն համար շատ յուզիչ է, որ «ՖՐԵՍԿՕ»-ի շրջանակներուն մէջ, առաջինը հաղորդաշարը ցուցադրուեցաւ Տաւուշի մէջ։ Անուշ Նագգաշեանի խօսքով՝ Երուսաղէմը չնայած, որ հարուստ գաղութ է՝ կայ հայկական դպրոց, եկեղեցի, գրադարաններ, բայց տեսակ մը մեկուսացած է այն առումով, որ այստեղ մնացած քիչ հայերը ամէն բանի ներկայ կը գտնուին, բայց այստեղ արուեստագէտը առիթ չունի բացուելու և աւելի ճանչցուելու։
«Բարեբախտաբար հայրենիքը մեզի կու տայ ճանչցուելու կարելիութիւն, և մտածեցինք այս հաղորդման մէջ մեր հայ արուեստագէտները ևս իրենց մասնակցությունն ունենան։ Դժուար գործը Հայ Ղևոնդինն է, որ ժամերով կը պատրաստէ այս հաղորդաշարը։ Հաղորդման հիմնական ըսելիքն այն է, որ սփիւռքը չի կարող հեռու մնալ հայրենիքէն։ Սփիւռքի մէջ մեծցող փոքրիկն ալ պէտք չէ մոռնայ, որ այնտեղ կայ թշնամի, որը կը խոչընդոտէ մեր կեանքի ընթացքը։ Հայրենիքը և սփիւռքը պէտք է միասին գործեն»,-նշեց Անուշ Նագգաշեան։
