ՀՀ շրջակա միջավայրի նախարար Ռոմանոս Պետրոսյանը ֆեյսբուքյան իր էջում հայտնել է, որ մեկնարկել է Սևանա լճում սիգի արդյունագործական ձկնորսության իրականացման նոր կարգը։
«Նախագիծը միտված է գործնական և իրավական հարթություններում ոլորտի կանոնակարգմանը և լճում կենսապաշարի կայուն օգտագործմանն ու վերականգնմանը։
Մենք գործ ունենք և՛ բնապահպանական, և՛ սոցիալական խնդրի հետ, ըստ այդմ պետական կառավարման վերահսկողական մարմիններից զատ կարիքը կա նաև քաղաքացիական հասարակության և բնապահպանական հանրության լայն շրջանակների աջակցության»,- գրել է նախարարը։
Նա խոստացել է մանրամասները հայտնել ֆեյսբուքի ուղիղ եթերում ժամը 18․00-ին։
«Պաշտպանված շրջակա միջավայր ունենալու ենք»,- գրել է Պետրոսյանը։
