66 կողմ ձայնով, առանց դեմի ու ձեռնպահի խորհրդարանն այսօր առաջին ընթերցմամբ ընդունել է Քրեական, Քրեադատավարական և Վարչական իրավախատումների վերաբերյալ օրենսգրքերում կառավարության առաջարկած փոփոխությունները:
Դրանցով նախատեսվում է խստացել ընտրախախտումների, ընտրակաշառք տալու կամ ստանալու համար նախատեսված պատասխանատվությունը: Խորհրդարանական մեծամասնությունը հայտարարել է, որ կողմ է քվեարկում, բայց պայմանով, որ մինչև երկրորդ ընթերցում նախագծի խնդրահարույց հոդվածները կվերանայվեն:
Խորհրադարնում այսօր փորձում էին հասկանալ՝ որն է ընտրակաշառք տալու խոստումը և որ դեպքում այն կարող է քրեական պատասխանատվության առիթ դառնալ:
Կառավարությունն առաջարկում է խստացնել ընտրախախտումների համար նախատեսվող պատասխանատվությունը, որոշ արարքների համար գործող օերսդրությամբ նախատեսվող տուգանքը փոխարինել ազատազրկմամբ, որոշների համար մեծացնել պատժաչափը:
Փոփոխություններից մեկով, օրինակ, առաջարկվում է քվեարկության ժամանակ հանձնաժողովի, վստահված անձի, դիտորդի, աշխատանքը խոչընդոտելու համար սահմանված 3-5 տարի ազատազրկումը դարձնել 4-6 տարի, եթե այն ուղեկվցում է գույքը վնասելու, բռնություն գործադրելու սպառնալիքով:
Փոփոխություններից մյուսով խստացվում է քվեարկության գատնիությունը խախտելու համար նախատեսված պատասխանատվությունը, երրորդով՝ ընտրությունների ժամանակ բարեգործության արգելքի խախտումը:
Ամենավիճահարույցը, սակայն, այն փոփոխությունն է, որով առաջարկվում է քրեորեն պատժելի դարձնել ընտրակաշառք խոստանալը և այդ խոստումն ընդունելը: Արդարադատության փոխնախարար Արթուր Հովհաննիսյանը հիշեցնում է, որ գործող օրենսդրությամբ ընտրակաշառքը տալը կամ ստանալը արդեն պատժելի արարքներ են, բացատրում է, թե ինչու կառավարությունը որշել քրեկանացնել նաև դրանց խոստումը:
Պատգամավորներն ասում են խստացումներին դեմ չեն, բայց նախագծում վտանգավոր դրույթներ են տեսնում: «Ծառուկյան» խմբակցությունից Գևորգ Պետրոսյանն, օրինակ, կարծում է, որ կառավարությունը փորձում է ընտրախախտումները պատժվել՝ այլ իրավունքներ խախտելու հաշվին:
« Չի կարելի, ինչպես ժողովուրդն է ասում, ջրից ելնել կրակն ընկնել: Մարդուն 3 տարի ազատազրկել, ինչ է թե նա խոստացել է մեկին կողմ քվեարկել: Խոստումը հավասարեցված է կաշառք տալուն»:
Ծառուկյան խմբակցությունում նաև մտավախություն կար, որ խիստ պատիժների հեռանկարը մարդկանց էլ ավելի կհեռացնի ընտրություններից: Սա, մասնավորապես, Տիգրան Ուիխանյանի մտոհոգությունն էր:
ԱԺ փոխնախագահ Արփինե Հովհաննիսյանը կառավարությանն առաջարկեց հրաժարվել ընտրակաշառքի խոստմանը վերաբերող դրույթներից: Ասաց՝ անձամբ իր դիրքորոշումը կախված է այդ հարցի կարգավորումից:
Նույն նախապայմանը ՝ վերանայել փաթեթի վրճահարույց հոդվածները, կառավարության առջև դրեց նաև ՀՀԿ խմբակցության ղեկավարը: Վահրամ Բաղդասրայնը քվեարկությունց առաջ հայտարարեց, որ երկրորդ ընթերցման ժամանակ իրենց համար որոշիչ կլինի այն, թե որքանով է կառավարությունը հաշվի առել իրենց դիտողությունները:
Եզրափակիչ ելույթում Արթուր Հովհաննսիյանը ընդհանուր գծերով ներկայացրեց, թե ինչ կփոխվի նախագծում մինչև երկրորդ ընթերցում: Ընտրակաշառքի խոստման մասին դրույթը, ամենայն հավանականությամբ նախագծում չի լինի:
Երկորդ ընթերցմամբ քվեարկությունը վաղն է: Կառավարությունն ակնկալում է, որ փոփոխությունները կընդունվեն և ուժի մեջ կմտնեն մինչև սեպտեմբերի 23-ը՝ Երևանի ավագանու արտահերթ ընտրությունները:
