Առաջիկա օրերին մասնագետները գյուղացիներին հորդորում են սածիլված դաշտերում հնարավորության դեպքում ոռոգում կատարել: Ջրպետկոմում վստահեցնում են՝ եթե գյուղացիները ժամանակին դիմեն ջրօգտագործող ընկերություններին, ջուր կունենան: Սա՝ այս օրերին ընդհանրապես ոռոգման ջրի խնդիրը բավականին լուրջ է:
Ապրիլ- հունիս ամիսներին օդերևութաբանները առատ տեղումներ կանխատեսում են, սրանք, սակայն, խնդիրները լուծելու համար քիչ են:
Այս անձրեւին սպասում են ոչ միայն գյուղացիները։ Կիսով չափ դատարկ ջրամբարները լցնելը կախված է բնության ցանկությունից: Ապրիլից հունիս մասնագետները առատ տեղումներ են կանխատեսում, ջրամբարները գուցե կլցվեն ու ոռոգման ջրի հետ կապված խնդիրները փոքր ինչ կթեթևանան:
Մասնագետներն առաջիկա օրերին ոչ միայ անձրև են կանխատեսում, այլ նաև՝ զրոյից ցածր ջերմաստիճան: Նրանք գյուղացուն հորդորում են անպայման ոռոգել հողի մակերևույթը: Ջրային տնտեսության պետական կոմիտեի նախագահի տեղակալ Վոլոդյա Նարիմանյանը գյուղացիներին հորդորում է արագ դիմել ՋՕ-երին ու համապատասխան հայտ ներկայացնել: Միայն թե գյուղացին պետք է սպասի մինչև գետերից ջուրը հասնի համապատասխան վայր:
Ոռոգման ջրի հետ կապված խնդիրներ ունենք փոքր ՀԷԿ-երի պատճառով՝ ընդգծում են փորձագետները: «Ազգային ջրային համագործակցություն» հասարակական կազմակերպության նախագահ, բնապահպան Արևիկ Հովսեփյանի խոսքով՝ ամբողջ աշխարհում են հէկ-երն աշխատում:
Զրուցակիցս ընդգծում է՝ ջրամբարները չեն լցվում, քանի որ ջուրը ձմռանն էլ են տալիս փոքր ՀԷԿ-երին:
Ջրպետկոմում հերքում են ու վստահեցնում՝ ջրամբարները ժամանակին կապարակնքվում են:
Ջրպետկոմը անցել է, ինչպես ընդունված է ասել, պլան Բ-ին՝ խորքային ու շարժական պոմպերի շահագործմանը: 23 նոր հորատվող խորքային ու 14 վերականգնվող հորերի համար մեկ մլրդ դրամ կպահանջվի: Եվս շուրջ 200 մլն դրամ էլ կծախսվի 20 շարժական պոմպակայան ձեռք բերելու համար: Գումարը պետբյուջեի պահուստային ֆոնդից կվերցնեն: Իսկ շարժական պոմպակայանները լճակներում և առուներում կուտակված ջուրը կմղեն հողատարածքներ: Հնարավո՞ր է, որ Ջրպետկոմը այս տարի էլ Սևանա լճից լրացուցիչ ջրառ իրականացնի՝ հարցնում եմ կոմիտեի նախագահ Արսեն Հարությունյանին։
Ամենառիսկայինն Արմավիրի ու Արագածտոնի մարզի այն հատվածներն են, որոնք օգտվում են Ախուրյանի ջրամբարից:
Ջրպետկոմի նախագահի տեղակալը վստահեցնում է՝ անում են հնարավոր ամեն ինչ, որպեսզի ջրամբարներից էլ նվազագույնի հասցնեն ջրի կորուստը:
