Կենտրոնական ընտրական հանձնաժոողովը խորհրդարան է ներկայացրել 2017-ի գործունեության մասին տարեկան հաղորդումը:
Շուրջ 100 էջանոց փաստաթուղթն այսօր ԿԸՀ նախագահ Տիգրան Մուկուչյանը ներկայացրել է պետարիավական և մարդու իրավունքների պաշտպանության հարցերի մշտական հանձնաժողովում: 2017-ին Ազգային ժողովի, Երևանի ավագանու և ՏԻՄ ընտրություններ են կազմակերպվել:
Դրանց ընթացքի համար պատասխանատու կառույցը մանրամասն հաշվետվություն է ներկայացրել ընտրական գործընթացի բոլոր դրվագների վերաբերյալ:
Տիգրան Մուկուչյանը նաև հավակնոտ հայտարարություններ է արել՝ աշխարհի որևէ այլ երկրում ընտարական գործընթացքն այնքան հրապարակային ու թափանցիկ չէ, որքան Հայաստանում:
Հաջորդ տարի, երբ Կենտրոնական ընտրական հանձնաժողովը ներկայացնի 2018-ի մասին տարեկան հաղորդումը, ամփոփելու ավելի քիչ նյութ կունենա. ավանդաբար ամենաբուռն ընթացքն ունեցող նախագահական ընտրություններն արդեն հանձնաժողովի վերահսկողության տիրույթում չեն: Դրանք կազմակերպվում են խորհրդարանում ու ԿԸՀ-ն դրանց ընթացքի համար այլևս պատասխանատուն չէ:
Կառույցն առայժմ պատասխանատու է խորհրդարանական և ՏԻՄ ընտրությունների համար: Իսկ 2017-ին Ազգային ժողովի, Երևանի ավագանու , 90 համայնքներում էլ ՏԻՄ ընտրություններ են կազմակերպվել: Դրանց բոլորի վերաբերյալ տեղեկատվությունը ԿԸՀ-ն ամփոփել է 90 էջանոց փաստաթղում: Հանձնաժողովի նախագահ Տիգրան Մուկուչյանն այն այսօր ներկայացնում էր պետաիրավական հանձնաժողովի անդամներին:
«Ներկայացված է մեծածավալ նյութ՝ գրաֆիկական և աղյուսականային լուծումներով, որը կարծում ենք, ցույց է տալիս ոչ միայն կատարված աշախատանքը, այլ նաև վերլուծական լավ նյութ է»:
Հանձնաժողովը տարեկան հաղորդման մեջ մանրամասնորեն ներկայացրել է ընտրական գործընթացի բոլոր դրվագները՝ օրենսդրական փոփոխությունններից մինչև ընտրխախտումների վիճակագրության ամփոփում: Զեկույցում ԿԸՀ-ն նաև այսպիսի հավակնոտ եզրահանգում է արել. դժվար է գտնել որևէ այլ պետություն, որտեղ միաժամանակ գործում են հրապարակսայնություն ապահովող այնպիսի մեխանիզմներ, ինչպիսիք են ընտրողների ռեգիստրի մշտական հասանելիությունը, ընտրողների ցուցակների հրապարակայնությունը, քվեարկության ամբողջ ընթացքի և քվեարկության արդյունքների ամփոփոման տեսանկարահանումն ու ուղիղ հեռարձակումը և այլն : ԿԸՀ-ն այսպիսի 11 նորմ է նշել, դրանք աննախադեպ ու բացառիկ որակել և եզրահանգել, որ բոլորի միաժամանակյա գործողությունը ապահովում է ընտրական գործընթացի լիակատարար վերահսկողությունը:
Ելքից Արտակ Զեյնալյանը ԿԸՀ-ի եզրակացությանը համաձայն է վերապահումներով:
Զեյնալյան. « Տեսականորեն այդպես է տեխնիկական մասն ապահովված է, բայց ոչ մի երկրում , էս 11-ի մեջ կարող եք ավելացնել, չի գործում «պարոլը բազե, ռեցեպտը բեզե» համակարգը: Հիմա Ձեր թվարկած նորմերի արդյունքում հանրության վստահությունը մեծացե՞լ է ընտրական համակարգի նկատմամբ, թե՞ ոչ»:
Տիգրան Մուկուչյան. «Մեր ասածն այն է, որ, այո, աշխարհի ոչ մի երկրում այս աստիճան հրապարակայունություն ապահովող նորմերը միաժամանակ գործեն: Իսկ վստահությունը մեկ հանձնաժողովի աշխատանքովց չի ձևավորովում, դրա համար առնվազն անհրաժեշտ է, որ ընտրական գործընթացի բոլոր կողմերը դրսևորեն ավելի ազնիվ մոտեցում ՝ կատարվածը որպես կատաված գնահատեն, թերությունը՝ որպես թերություն»:
Եթե ԿԸՀ նախագահն ազնիվ մոտեցում է ակնկալում, ապա ինչու հաղորդման մեջ որևէ անդրադարձ չկա նախընտրական շրջանի աղմկոտ թեմաներին՝ «ՍԱՍ»-ի ձայնագրություններ, քարոզչությամբ զբաղվող տնօրեններ, Զիբիլիքսի գործ : Սա արդեն «Ելք»-ից Էդմոն Մարուքյանի մտահոգությունն է:
«Ինչո՞ւ չունենք «ՍԱՍ»-ի կամ տնօրենների գործով ԿԸՀ գնահատականը, դատապարտումը՝ ապագայում նման դեպքերի կանխարգելման համար», — հետաքրքրվեց Մարուքյանը:
Ի պատասխան Մուկուչյանն ասում է, որ հանձնաժողովն իր որոշումներում է դիրքորոշումարտահայտել:
«Մենք մեր որոշումներում արտահայտել ենք մեր տեսակետը, որոնք մեր կայքում տեղադրված են»:
Իսկ իրավական հետևանքների մասին հարցերը պետաիրավականի նախագահ Գևորգ Կոստանյանը հորդորում է թողնել հաջորդ քննարկմանը, երբ տարեկան հաղորդմամաբ խորհրդարան կգա գլխավոր դատախազը:
Ընդդիմությունը, միևնույնն է, կարծում է, որ ընտրական իրավունքն ամենակրևորն ու ամենխոցելին է Հայաստանում, դրան առնչվող հարցերը խորքային քննարկման կարիք ունեն: Խորհրդարանական լսումներ կազմակերպելու հարցի շուրջ փոքրամասնություն- մեծամասնությունը համաձայնությունը կայանում է քաղաքական թաքնված ինտրիգով:
