Մեքսիկայի արտգործնախարար Լուիս Վիդեգարայը, ելույթ ունենալով ՄԱԿ-ի Գլխավոր ասամբլեայում, հայտարարել է, որ երկրում տեղի ունեցած հզոր երկրաշարժի զոհերի թիվը հասել է 273-ի։ Նրա խոսքով՝ կան բազմաթիվ վիրավորներ, վիթխարի ավերածություններ մայրաքաղաքում և երկրի կենտրոնական հատվածի այլ բնակավայրերում։ Մեքսիկայի Քաղաքացիական պաշտպանության ուժերի ազգային համակարգող Լուիս Ֆելիպե Պուենտեի խոսքով՝ հզոր երկրաշարժից հետո Մեքսիկայի իշխանությունները մարդկանց անհետացման մասին մոտ 200 հայտարարություն են ստացել։
