Սեպտեմբերին կառավարությունը պատրաստվում է խորհրդարան ներկայացնել հակակոռուպցիոն օրենսդրական փաթեթ, որով փորձելու է պատասխանել գլխավոր հարցին. ավտոմեքենաների կրճատումից, կառավարման համակարգի օպտիմալացումից բացի ինչ կոնկրետ քայլեր է նախատեսում գործադիրը կոռուպցիայի դեմ հռչակված պայքարի նոր փուլի շրջանակներում: Կառավարությունն այդ փաթեթով 2 հիմնական փոփոխություն է նախատեսում՝ հայտարագրերի ինստիտուտի վերանայում և ապօրինի հարստացման քրեականացում:
Գործադիրը պատրաստվում է սեպտեմբերին Ազգային ժողով ներկայացնել հակակոռուպցիոն օրենսդրական փաթեթ, որը, ըստ կառավարության աշխատակազմի ղեկավար նախարար Դավիթ Հարությունյան, պատասխան կտա շատ հարցերի։ Մասնավորապես՝ կլինի հիմնական պատասխանը այն հարցի, թե ինչ կոնկրետ քայլերով է կառավարությունը փորձելու կյանքի կոչել հահակոռուպցիւոն պայքարի ավելի վճռական փուլ սկսելու վարչապետի հայտարարությունը:
Մինչ կոնկրետ քայլի մասին խոսելը կառավարության ներկայացուցիչը նախ արձանագրեց, որ առաջին հայացքից լուծումներըը պարզ են թվում, բայց ցավոք ամեն ինչ այդքան հեշտ չէ: «Ցավոք սրտի, կոռուպցիայի դեմ պայքարն այդքան հեշտ չէ, դրանով է պայմանավորված, որ շատ ժողովրդավարական երկրներում այնուամենայնիվ տարիներ շարունակ խոսում են առկա կոռուպցիայի մասին: Մենք չենք կարող, իհարկե, այս պահին հպարտանալ այստեղ շատ լուրջ արդյունքներով, բայց վստահեցնում եմ ձեզ, որ ամենայն լրջությամբ վերաբերվում ենք այդ հարցին»:
Որպես լուրջ վերաբերմունքի ապացույց սեպտեմբերին կառավարությունը խորհրդարան կբերի կոռուպցիայի դեմ պայքարի մեխանիզմներն ամբողջացնող օրենսդրական փաթեթ: Դրա առանցքային կետը կվերաբերի բարձրաստիճան պաշտոնյաների ունեցվածքի հայտարարագրման նոր կարգին: «Հայտարարագրերի բովանդակությունը մեր կարծիքով էապես պետք է փոխվի»:
Հայտարարգրերը հաճախ թերի տվյալներ են պարունակում, չի բացառվում անգամ տվյալների կեղծումը, իսկ ամենակարևորը՝ հայտարարագրերում տեղ գտած տվյալները վերլուծելու ու համապատասխան եզրահանգումների բերելու գործիքներն են, որոնք օրենսդրորեն նախատեսված չեն:
Դավիթ Հարությունյանն ասում է կառավարությունն էլ ինքն էլ գիտի, որ սողանցքեր կան: Դրանք փակելով ու գործիքակազմ ներդնելով՝ փորձելու են այնպես անել, որ արդյունքները տեսնելի լինեն: «Խնդիրը նախ եւ առաջ ամրապնդումն է գիտակցության, որ բոլորն են պատժի ենթակա, եւ անպատժելի ոչ մեկ չկա»:
Նոր օրեսնդրական նախաձեռնության շրջանակում կառավարությունը նաև նոր ու համարձակ մի գաղափարի մասին է խոսում: Հանուն հակառուպցիոն պայքարի արդյունավետության՝ գործադիրը մտադիր է քրեականացնել ապօրինի հարստացումը: Դավիթ Հարությունյանն անկեղծորնե խոստովանում է, որ սա ավելի բարդ հարց է, քանի որ բացի այն, որ պետք է հասկանալ թե որն է ապօրինի հարստացումը, դժվար է նաև ապացուցել՝ ով է հարստացել օրինական, իսկ ով՝ ապօրինի ճանապարհով: Անմեղության կանխավարկածի հարց կա՝ ասում է Դավիթ Հարությունյանը:
«Թրանսփերենսի ինթերնեշնլ» հակակոռուպցիոն կենտրոնի ղեկավար Վարուժան Հոկտանյանը առայժմ չի շտապում գնահատել կատռավարության նոր նախաձեռնությունը: Կարծում է, որ այն գնահատել հնարավոր կլինի նախագծի ներկայացումից հետո միայն: Իսկ հարցին, թե տեսնում է քաղաքական կամք կոռուպցիայի դեմ իսկապես վճռականորեն պայքարելու, այսպես է պատասխանում:
