Միացյալ Նահանգները խստորեն դատապարտում է ղարաբաղա-ադրբեջանական հակամարտ զորքերի շփման գծում ցանկացած բռնություն և ցանկանում է, որ հնարավորինս շուտ վերսկսվի բանակցային գործընթացը, ճեպազրույցի ժամանակ հայտարարել է ԱՄՆ պետդեպարտամենտի պաշտոնական ներկայացուցիչ Մարկ Թոները։
Թոները նշել է, որ լարվածությունը շփման գծում դեռևս պահպանվում է, և որ իրենք ականատես եղան փխրուն հրադադարի։ԼՂ հակամարտությունը ռազմական լուծում չունի հավելել է պաշտոնյան:
«ԵԱՀԿ Մինսկի խմբի մեր համանախագահն այցելել է տարածաշրջան։ Մենք կապի մեջ ենք եղել երկու կառավարությունների, հակամարտող կողմերի հետ։ Մենք ամենավճռական կերպով դատապարտում ենք ԼՂ հակամարտության գոտում զորքերի շփման գծի երկայնքով ցանկացած բռնություն և ցանկանում ենք հնարավորինս շուտ տեսնել խաղաղ գործընթացին վերադարձ»,- նշել է Պետդեպի ներկայացուցիչը։
