Արցախի Հանրապետության նախագահ Բակո Սահակյանն, այսօր՝ ապրիլի 25-ին, ընդունել է Եվրոպական խորհրդարանի անդամ, Եվրոպական խորհրդարանում Արցախի հետ բարեկամության խմբի ղեկավար Ֆրանկ Էնգելին, եւ նրա հետ քննարկել Եվրոպա-Արցախ հարաբերությունները:
ԼՂՀ նախագահի մամուլի գրասենյակից հայտնում են, որ քննարկվել են նաեւ տարածաշրջանային գործընթացներին վերաբերող մի շարք հարցեր:
Հատուկ ուշադրություն է դարձվել ապրիլի 2-5-ը Ադրբեջանի կողմից սանձազերծված լայնածավալ պատերազմական գործողություններին եւ դրանց հետեւանքներին:
Նախագահ Սահակյանը երախտագիտություն է հայտնել Ֆրանկ Էնգելին սկզբունքային աշխատանքի եւ անկեղծ բարեկամության համար՝ նշելով, որ հենց այս գաղափարներն են ընկած Եվրոպա-Արցախ հարաբերությունների հիմքում:
