Հայ առաքելական եկեղեցում այս շաբաթ Ծաղկազարդ է, 48 պահոց շրջանն ավարտվում է Ավագ շաբաթով, որի ընթացքում հոգևրորականն ավելի աչալուրջ լինելու կոչ է անում:
Առջևում դեռ Ավագ շաբաթն է, որի յուրաքանչյուր օրը մի խորհուրդ ու նշանակություն ունի: Մայր աթոռ Սուրբ Էջմիածնի միաբան, հոգեշնորհ Տեր Տիրայր աբեղա Հակոբյանը, բացատրելով Ավագ շաբաթվա առակների իմաստը, նախ նշեց, որ այս կիրակի կտոնենք Ծաղկազարդը։ Այն խորհրդանշում է Քրիստոսի մուտքը Երուսաղեմ։ Այդ օրը մեր եկեղեցին օրհնված ուռենու ճյուղեր կբաժանի մարդկանց, մանուկների օրհնության կարգ կկատարվի: Իսկ Ավագ շաբաթվա յուրաքանյուր օրը պետք է ավելի զգոն լինել արարաքներում, խոսքերում ու մտքերում։
Ավագ շաբաթը թեկուզ մեկշաբաթյա պահք պահելու լավագույն շրջանն է՝ ասում է հոգեշնորհ Տեր Տիրայր աբեղա Հակոբյանը:
Պահք ավելի հաճախ կանայք են պահում։ Տղամարդիկ պահքային կերակրատեսակներ պատրաստելու որոշ խնդիրներ ունենալով՝ չեն հետևում սննդին, թեև այսօր սնվելու գործն ավելի հեշտացել է. սննդի գրեթե բոլոր վայրերում պահքային ճաշացանկ կա:
Ի դեպ՝ Տեր Տիրայրը հարկ համարեց հիշեցնել, որ 48 օրյա պահքի ընթացքում թույլատրելի է, բայց ոչ խրախուսելի ամուսնությունը: Իսկ Ավագ շաբաթն առհասարակ չի կարելի պսակադրություն կատարել:
