Հանրապետության նախագահը նշանակել է նոր նախարարներին

Հանրապետության նախագահն այսօր «Ղեկավարվելով 2005 թվականի փոփոխություններով Հայաստանի Հանրապետության Սահմանադրության 85-րդ հոդվածի 6-րդ մասով, հիմք ընդունելով «Հայաստանի Հանրապետության կառավարության կառուցվածքի մասին» Հայաստանի Հանրապետության օրենքի 1-ին հոդվածի 1-ին մասը և Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրով հաստատված՝ Հայաստանի Հանրապետության կառավարության և նրան ենթակա պետական կառավարման այլ մարմինների գործունեության կազմակերպման կարգի 7-րդ կետը» որոշել է,

1. Հայաստանի Հանրապետության տարածքային կառավարման և արտակարգ իրավիճակների նախարարությունը վերակազմակերպել՝

   — Հայաստանի Հանրապետության տարածքային կառավարման և զարգացման նախարարության,
   — Հայաստանի Հանրապետության արտակարգ իրավիճակների նախարարության:

2. Հայաստանի Հանրապետության կառավարությանը՝ մեկամսյա ժամկետում ընդունել սույն հրամանագրից բխող համապատասխան որոշումներ։

Հանրապետության նախագահը նաեւ հրամանագրեր է նշանակել նախարարների նշանակման եւ ազատման մասին։

Նախագահի հրամանագրերով Արմեն Երիցյանն ազատվել է տարածքային կառավարման և արտակարգ իրավիճակների նախարարի պաշտոնից եւ նշանակվել արտակարգ իրավիճակների նախարար: Դավիթ Լոքյանը նշանակվել է տարածքային կաավարման եւ զարգացման նախարար։

Հանրապետության նախագահը Արմեն Աշոտյանին ազատել է կրթության և գիտության նախարարի պաշտոնից եւ այդ պաշտոնում նշանակել է Լեւոն Մկրտչյանին։

Նախագահի հրամանագրերով Կարեն Ճշմարիտյանն ազատվել է էկոնոմիկայի նախարարի պաշտոնից եւ այդ պաշտոնում նշանակվել է Արծվիկ Մինասյանը։