Իրավիճակը, մեղմ ասած, մխիթարական չէ, Արարատյան դաշտի 31 համայնք խմելու և ոռոգման ջրի խնդիր ունեն, ավելին, հունիս — հուլիս ամիսներին Մեծամորի ատոմակայանի հովացման համար ևս ջրերը չեն բավականացնում: Հետազոտությունից ու դրանց արդյունքները ներկայացնելուց հետո կառավարությունը որոշակի միջոցառումներ իրականցրեց, սակայն, նոր միջոցառումների անհրաժեշտություն, ահդուհանդերձ, նկատվում է:
2015թ սեպետեմբերից մեկնարկել է «Գիտական առաջադեմ տեխնոլոգիաների օգատգործում և համագործակցություն հանուն ռեսուրսների համալիր պահպանության» ծրագիրը: 3,5 տարվա տևողությամբ ծրագիրն այսօր է ներկայացվել հանրության դատին: Ամերիկյան կառավարության ֆինանսավորմամբ ու չորս բաղադրիչից կազմված ծրագրի հիմնական նպատակը ձկնային տնտեսություններում նոր տեխնոլոգիաների ներդրումն է, ջրային ռեսուրսների ճիշտ կառավարումը: Միջազգային զարգացման գործակալության հայաստանյան առաքելության տնօրեն Քարեն Հիլիարդը չի կարծում, որ ծրագիրը վնասելու է Հայաստանի ձկնաբուծական տնտեսություններին:
Ի դեպ, ձկնարտադրողների և ձկնահանողների միասնություն կազմակերպության նախագահ Արթուր Աթոյանը կարծում է, որ ծրագիրը մի շարք թերություններ ունի, ավելին, մտավախություն կա, որ ձկնաբուծության ոլորտը մենաշնորհացվելու է: Արթուր Աթոյանը նաև համամիտ չէ այն տեսկատետի հետ, որ ձկնաբուծարաններն են Արարատյան դաշտավայրի ջրային ռեսուրսների նվազման հիմնական մեղավորները:
