«Հայաստանի կառավարությունը ՌԴ-ից էժան գազ գնելու համար դիմել է ՌԴ կառավարությանը»,- կառավարության նիստից հետո լրագրողների հետ զրույցում լուրերը հաստատել է էկոնոմիկայի նախարար Կարեն Ճմշարիտյանը՝ խոստանալով՝ պատասխանի մասին կիմանան բոլորը:
Ճմշարիտյանը կարծում է, որ էներգակիրների, ի դեպ, ոչ միայն գազի գինը տնտեսության համար կարևոր նշանակություն ունի: Սրա հետ կապված է նաև էլեկտրաէներգիայի գինը:
«Կարծում եմ, որ ճիշտ չէր լինի չփորձել այդ հնարավորությունները»- ասել է էկոնոմիկայի նախարարն ու հարցին, նախադրայլներ կա՞ն,որ Ռուսաստանը Հայաստանի կառավարությանը չի մերժի,- պատասխանել է՝ եթե նախադրայլներ չլինեին կառավարությունը դժվար դիմեր:
Կարեն Ճշմարիտյանը չի մեկնաբանել նաև իր պաշտոնանկության մասին լուրերը՝ դրանք համարելով բամբասանքներ: Տեղեկացրել է, որ ինքն ամռանն արդեն արձակուրդում եղել է: Լրագրողներին հորդորել է ուշադրություն դարձնել ոչ թե ով է լինելու նախարար, այլ՝ թե ով ինչ գործ է անում: «Գրում են,ասում են, բայց մենք մեր գործն ենք անում»,- հայտարարել էկոնոմիկայի նախարար Կարեն Ճմշարիտյանը:
