Երևանում այսօր մեկնարկել է ԱՊՀ մասնակից պետությունների բնակչության աշխատանքի, միգրացիայի և սոցիալական պաշտպանության խորհրդակցական խորհրդի նիստը: Օրակարգում ընդգրկված են մեկ տասնյակից ավելի հարցեր, ինչպես օրինակ, արտադրության ժամանակ դժբախտ պատահարների տուժածներին ֆինանսական աջակցություն տրամադրելու հարցը: ԱՊՀ տարածքում աշխատող միգրանտների համար էլեկտրոնային քարտի ներդրման առաջարկը: Կողմերը ներկայացրել են սոցիալական պաշտպանության ոլորտում իրենց երկրների փորձը, քննարկել դրանց փոխանակման հնարավորությունները:
Հայաստանում կենսաթոշակային բարեփոխումներ, սոցիալական պաշտապնության ոլորտում իրականացվող միջոցառումներ, զբաղվածության նոր ծրագրեր և ոչ միայն: Սոցիալական ոլորտի պատասխանատուները մեր երկրում իրականցվող ծրագրերն են ներկայացնում ԱՊՀ մասնակից պետությունների նույն ոլորտի ներկայացուցիչներին: Աշխատանքի ու սոցիալական հարցերի նախարար Արտեմ Ասատրյանի տեղեկացմամբ՝
«ԵՏՄ և ԱՊՀ շրջանակներում գործում է միասնական սոցիալական աշխատանքային շուկա, շատ ժամանակ փոփոխությունենր են տեղի ունենում երկրների օրենսդրությունում, առաջանում են որոշակի խնդիրներ: Այս խնդիրները քննարկելու անհրաժեշտություն է առաջանում և միասնական մոտեցումներով լուծումենր տալ»:
Աշխատանքի ու սոցիալական հարցերի նախարարի առաջին տեղակալ Արայիկ Պետրոսյանը կատարված ու կատարվելիք աշխատանքների մանրամասներն է ներկայացում: 2017 հուլիսից Հայաստանում ամբողջությամբ կներդրվի կենսաթոշակային համակարգի պարտադիր կուտակային բաղադրիչը, մինչ այժմ համակարգին միացել է 137 հազար մարդ, որից 72 հազարը մասնավոր հատվածն են ներկայացնում: 2014թ Հայաստանում ավարտվեց էլեկտրոնային կենսաթոշակ համակարգի ենրդրումը, որը կենսաթշակների վճարման գործընթացում փոփոխություններ բերեց, կենսաթոշակառուների ցուցակներն առավել ճշգրտվեցին: Արդյունքն ավելին էր, քան ակնկալվում էր, խնայողությունները միայն այս ոլորտում միլիարդ դրամների հասան:
Պարզվում է՝ ժողովրդագրական ու ընդհանրապես սոցիալական ոլորտի առջև ծառացած խնդիրները սրված են նաև ԱՊՀ անդամ մյուս երկրներում: Բելառուսում օրինակ, ժողովրդագրական խնդիրները հայկականին ոչ միայն չեն զիջում, այլև ավելի խորացված են: Ոլորտի ներկայացուցիչները խոստովանում են՝ վերջին քսան և ավելի տարիների ընթացքում բնակչության կրճատում էր նկատվում, և անցյալ տարի առաջին ագամ են ժողովրդագրական փոքր -ինչ աճ գրանցել: Առաջին անգամ 2014թ բացասական միգրացիայի ֆոնի վրա ծնունդների աճ է գրանցվել նաև այս երկրում:
Ռուսաստանի Դաշնության Աշխատանքի և սոցիալական պաշտպանության նախարարի տեղակալ Լյուբով Ելցովային հետաքրքիր է լսել ԱՊՀ անդամ երկրների սոցիալական ոլորտի ներկայացուցիչներին: Նա էլ իր երկրի սոցիալական ոլորտի կարևորագույններ քայլերից է ներկայացնում. «Այժմ մենք լրացուցիչ քայլեր ենք նախատեսում նրանց համար, ովքեր սոցիալական պաշպանպության կարքի ունեք, երեխային խնամելու նպատակով արձակուրդում գտնվող կանանց համար, հաշմանդամներին ենք նախատեսում աջակցել, ինչպես նաև կենսաթոշակների ինդեքսավորում ենք պլանավորում»:
ԱՊՀ անդամ երկրների սոցիալական ոլորտի պատասխանատուները քննարկում են նաև աշխատանքի ընթացքում դժբախտ պատահարների հետևանքով տուժածներին ֆինանսական աջակցություն տրամադրելու հարցը, նախատեսում են ԱՊՀ տարածքում աշխատող միգրանտների համար էլեկտրոնային քարտ ներդնել: Առաջարկվում է նաև ԱՊՀ երկրներում մասնագիտական ու միջին մասնագիտական ցանցային քոլեջ ստեղծել:
