Այս տարի ՀՀ դիտվեց ջրային և սննդային գործոնով պայմանավորված աղիքային վարակների բռնկումներ: Ըստ ԱՆ հիվանդությունների վերահսկման և կանխարգելման կենտրոնի համաճարակաբանության բաժնի պետ Լիանա Թորոսյանի՝ ՀՀ տարբեր մարզերում սննդային գործոնով պայմանավորված մոտ 16 աղիքային վարակի դեպք գրանցվեց: Սակայն այսօրվա դրությամբ նմանօրինակ բռնկումներ չեն արձանագրվել: Հնարավոր վարակներից զերծ մնալու համար մասնագետը խորհուրդ է տվել առանձնահատուկ ուշադրությւն դարձնել ձեռքերի հիգիենայի պահպանմանը:
Թե՛ մեծերը, և թե՛ փոքրերը անպայման պետք է հետևեն ձեռքերի հիգինեային, քանի որ օրվա ընթացում դրանք շփվում են զանազան իրերի հետ, որոնք էլ վնասում են ոչ միայն ձեռքերը, այլև վնասում են նաև մեր օրգանիզմը: Գիտական հետազոտությունները ցույց են տվել, որ աղիքային և օդակաթիլային վարակների փոխանցման հիմնական աղբյուրը կեղտոտ ձեռքերն են:
Առողջապահության համաշխարհային կազմակերպություն էլ, կարևորելով ձեռքերի հիգիենայի պահպանումը, նոյեմբերի 15-ը հայտարարել է մաքուր ձեռքերի օր: Քանի որ կեղտոտ ձեռքերը համարվում են նաև օդակաթիլային վարակների փոխանցման վարակի աղբյուր, իսկ մենք արդեն գտնվում ենք գրիպի սեզոնի մեջ, ապա ԱՆ հիվանդությունների վերահսկման և կանխարգելման կենտրոնի համաճարակաբանության բաժնի պետ Լիանա Թորոսյանը հորդորում է պահպանել անհատական հիգիենան և ականջալուր լինել բժիշկների խորհուրդներին և որ ամենակարևորն է՝ չզբաղվել ինքնաբուժմամբ: Թե ինչպես պետք է պահպանել ձեռքերի հիգիենան մասնագետը պարզաբանում է:
«Այն կարծիքը, որ ձևավորված է բնակչության մեջ, որ ջուրը պետք է տաք լինի, սխալ է: Ջուրը պետք է լինի գոլ, հոսող, օճառի ընտրությունը ևս կարևոր է, քանի որ շատ օճառներ կարող են պարունակել ալերգիկ նյութեր, որոնք կարող են վնաս հասցնել մաշկին: Առաջացնել ճաքեր, առաջացնել տարբեր ախտաբանական հատկապես ալերգիկ գործընթացներ: Եվ օճառների ընտրությունը պետք է լինի ավելի փոքր չափաբաժիններով, որպեսզի այն հասցնի մինչ հաջորդ լվացվելը չորանա և դրա համար խորհուրդ է տրվում ընտրել հեղուկ օճառներ՝ ապահովելով անհատական մոտեցում»:
Ամենակարևորը ձեռքերի խնամքն է: Իսկ դրա համար անհրաժեշտ է ձեռքերը լվանալ հաճախակի և քսել խոնավեցնող քսուքներ: Դիզենտերիան ՝շիգելան, համարվում է կեղտոտ ձեռքերի հիվանդություն, որի ախտանշաններն են ջերմություն, փսխում, և արյունային փորլուծություն: Ըստ Լիանա Թորոսյանի՝ այս հիվանդության բռնկում այս տարի չի արձանագրվել, եղել են առանձին դեպքեր, որոնք համաճարակաբանորեն իրար հետ կապ չեն ունեցել: Այս տարի ընդհանուր վարակների թվում 40 ից 60 տոկոսը բաժին է ընկել աղիքային վարակներին, որից էլ հատկապես տուժեցին մանկահասակ երեխաները:
ՀՀ տարբեր մարզերում սննդային գործոնով պայմանավորված մոտ 16 աղիքային վարակի դեպք գրանցվեց: Ոլորտի պատասխանատուի վստահեցմամբ՝ նոյեմբերին նմանօրինակ բռնկումներ չեն արձանագրվել: Համեմատելով նախորդ տարիների հետ՝ ԱՆ ներկայացուցիչը նշել է, որ աղիքային վարակներով հիվանդացության մակարդակը ինչպես այլ երկրներում, այնպես էլ Հայաստանում այս տարի բարձր է եղել:
