Մնաս բարով Եգիպտոս. ուղեւորների լուսանկարները՝ ճակատագրական թռիչքից առաջ (լրացվող)

լրացված 17.53-ին

ՌԴ «Առաջին ալիք»-ին Շարմ էլ-Շեյխի օդանավակայանից տեղեկացրել են, որ Airbus 321 օդանավի բոլոր ուղևորները և անձնակազմի անդամները ռուսներ են եղել: Հաղորդվում է նաեւ, որ վթարի վայրում հայտնաբերվել են օդանավի «սև արկղերը», որոնք վերծանվելու են Ռուսաստանում:

լրացված 17.44-ին

NTV-ի փոխանցմամբ, Եգիպտոսում կործանված Airbus-321 օդանավի որոշ ուղևորներ հասցրել են ճակատագրական թռիչքից առաջ լուսանկարներ հրապարակել ու գրառումներ անել սոցցանցերում: Ուղևորուհիներից մեկը, ամենայն հավանականությամբ, հրապարակել է ամուսինու եւ փոքրիկ երեխայի լուսանկարը: «Ողջույն, Պիտեր, մնաս բարով, Եգիպտոս: Թռչում ենք տուն», -նման գրառում է արել օգտատերը:

լրացված 17.26-ին

Եգիպտոսում կործանված А-321 ռուսական օդանավի ուղևորներից ոչ ոք ողջ չի մնացել, հաղորդում է  РИА Новости-ն` հղում անելով  Եգիպտոսի իշխանությունների ներկայացուցիչներին: «Սինայում ռուսական ինքնաթիռի ավիավթարում ողջ մնացած մարդիկ չկան», — ասվում է ստացված  հաղորդագրության մեջ:

լրացված 16.13-ին

ՌԴ Քննչական կոմիտեն քրեական գործ է հարուցել օդանավի կործանման փաստի առթիվ, հայտնում է ՏԱՍՍ գործակալությունը։ Ռուս քննիչները մեկնում են Եգիպտոս՝ ավիավթարի հետաքննությանը մասնակցելու, տեղեկացրել է ՌԴ Քննչական կոմիտեի ներկայացուցիչ Վլադիմիր Մարկինը։

լրացված 16.03-ին

Եգիպտոսի Սինայի թերակղզում ռուսական Airbus-321 օդանավի կործանման վայրում հայտնաբերվել է մոտ 100 դի, հայտնում է Reuters գործակալությունը։ «Բազմաթիվ դիեր գետնին են, շատերը մահացել են անմիջապես ինքնաթիռի սրահում հենց զբաղեցրած տեղերում»,- ասել է փրկարար ծառայության աշխատակիցը։ Ավելի վաղ Reuters գործակալությունը հայտնել էր, որ ինքնաթիռի բեկորների տակից տեղ են հասնում ողջ մնացած ուղևորների ձայները։ Այժմ եգիպտոսցի փրկարարներն աշխատում են դեպքի վայրում` փորձելով գտնել ու դուրս բերել փրկվածներին, որոնց ձայները լսվում են ներսից:

լրացված 13.08-ին

Շարմ էլ Շեյխից Սանկտ Պետերբուրգ թռչող ռուսական «Կոգալիմավիա» ավիաընկերությանը պատկանող կործանված ինքնաթիռում եղել է 17 երեխա: Հայտնում է Ria novosti-­ն` հղում անելով ռուսական ավիացիայից:

լրացված 12.48-ին

Եգիպտոսը բացառում է, որ ինքնաթիռը կարող էր հրթիռակոծության ենթարկված լինել Սինայի զինյալների կողմից. այս մասին հաղորդում է Sky News Arabia-ն հղում անելով ուժային կառույցներում իր քաջատեղյակ աղբյուրների վրա: Ըստ նախնական տվյալների, եգիպտական ​​ռադարներից ինքնաթիռը անհետացել է Ալ-Նահալ լեռնաշղթայի մոտ, որտեղ ապաստան են գտել երկրի իշխանություններին դեմ ծայրահեղականները: Մինչդեռ, ըստ Կահիրեի աղբյուրների՝ կործանման պատճառ կարող էր հանդիսանալ շարժիչի խափանումը  եւ ինքնաթիռի վերահսկողության կորուստը: Սակայն, նրանք նաեւ նշել են, որ ահաբեկչական հարձակման կամ հրթիռակոծության տարբերակը իսպառ բացառված է:

լրացված 12.44-ին

Շարմ-Էլ-Շեյխ-Սանկտ Պետերբուրգ չվերթն իրականացնող կործանված ռուսական Airbus-321-ի հատվածները հայտնաբերվել են Սինայական թերակղզու հյուսիսային հատվածում: Այս պահին տեղանքը շրջափակված է իրավապահների կողմից, գրում է «ՌԻԱ Նովոստին»:

լրացված 12.24-ին

Պուլկովոյի օդանավակայանում անհետացած օդանավի ուղեւորների հարազատների աջակցության շտաբ է ստեղծվել: «Այո, իհարկե, ստեղծվել է», — ասել է սոցիալական քաղաքականության հանձնաժողովի նախագահ Ալեքսանդր Ռժանենկովը:

լրացված 12.30-ին

Թուրքիայի պետական օդանավակայանների գլխավոր տնօրինությունը որեւէ տեղեկություն չունի ռուսական ուղեւորատար ինքնաթիռի անհետացման մասին. «Մենք չունենք որեւէ տեղեկություն մեր տարածքում ռադարներից անհետացած ռուսական օդանավի մասին: Մենք չենք կարող մեկնաբանել այն փաստը, որ ինքնաթիռը մինչեւ անհետացումը կապվել է թուրք կառավարիչների հետ», — ասել է Թուրքիայի կառավարության ներկայացուցիչը:

լրացված 12.20-ին