Ուկրաինայի նախագահ Վոլոդիմիր Զելենսկին հայտարարել է, որ հանձնարարել է Ուկրաինայի Անվտանգության ծառայության ժամանակավոր ղեկավար Եվգենի Խմարային կատարել պաշտպանության նախարարի պարտականությունները և պատրաստվում է նրա թեկնածությունը ներկայացնել Գերագույն ռադայում՝ որպես պաշտպանության նախարար։
Զելենսկին նշել է, որ Խմարան մեծ փորձ ունի հեռահար և տեխնոլոգիական հարվածային գործողությունների կազմակերպման գործում և պետք է շարունակի պաշտպանության ոլորտի բարեփոխումները։
«Ես հանձնարարել եմ Եվգեն Խմարային ծառայել որպես նախարարի պաշտոնակատար, շարունակել պաշտպանության բարեփոխումները և ապահովել, որ Ուկրաինան հասնի մեր քննարկած բոլոր արդյունքներին»։ «Անհրաժեշտ իրավական ընթացակարգերի ավարտից հետո ես կխնդրեմ խորհրդարանականներին աջակցել Եվգենի Խմարայի թեկնածությունը Ուկրաինայի պաշտպանության նախարարի պաշտոնում», — հավելել է Զելենսկին։
Հինգշաբթի օրը ավելի վաղ Գերագույն ռադան հաստատել է նախարարների նոր կաբինետը՝ Սերգեյ Կորեցկու գլխավորությամբ, սակայն չի նշանակել պաշտպանության և արտաքին գործերի նախարարներին։
