Լրագրությունն աստիճանաբար հեռանում է իր հիմնական առաքելությունից: Քլիքի դարաշրջանում քչանում է մշակութային կոնտենտը։ «Հանրամեդիա» հաղորդմանն այդ մասին ասել է ՀՌ Երկրորդ ալիքի՝ «Իմ ռադիո»-ի ղեկավար Վեգա Անդրիասյանը։ Նրա խոսքով, նախապատվությունը տալիս են քաղաքականին։
Հանրային ռադիոյի եթերում հեռարձակվող «Հանրամեդիա» հաղորդմանը բանախոսները Լևոն Սարդարյանի հետ քննարկում են մեդիայի առաքելությունը, ներկայիս խնդիրները, ապագան։ Լրագրող, PR մասնագետ Արմինե Բրսոյանն էլ կարծում է, թե այսօր լրագրությանը վերագրվում է սղագրությունը, ինչ-որ մեկին անպատեհ նկարելը, իսկ լրագրողի առաքելությունն այլ է։
