Լինել հուսալի ու նորարար ազգային վճարային համակարգ․ առաջիկա հինգ տարիներին․ «Արմենիան Քարդ» ընկերությունում ձգտելու են համակարգի հասանելիությունը մոտեցնել 100 տոկոսի։ Բացի այդ, աշխատում են համակարգի անվտանգությունը առավելագույնի հասցնելու, կիբեռանվտանգությունը բարձրացնելու ուղղությամբ։ Ընկերությունում գիտեն՝ կունենան ազգային վճարային համակարգի կարգավիճակ․ սա ոչ թե օրենսդրական փոփոխություններով կլինի, այլ՝ աշխատանքի ու բարձր վստահության միջոցով։ Ընկերությունում նախատեսում են ապահովել Հայաստանի վճարային շուկայի փոխգործելիություն և սիներգիա։ 2025–ին համակարգը չորս խափանում է ունեցել։ 2026 թվականի վեց ամսվա ընթացքում արձանագրվել է ընդամենը 6 րոպե անհասանելիություն։
