Քիմ Քարդաշյանը, Շերը, Սերժ Թանկյանը կոչ են անում ընդլայնել կրթական հնարավորությունները Հայաստանում և Արցախում

Քիմ Քարդաշյանը, Շերը, Սերժ Թանկյանը, Էրիկ Իսրայելյանը, Սամ Սիմոնյանը կոչ են անում միավորել ջանքերը՝ հանուն Հայաստանի և Արցախի մանուկների կրթության հնարավորությանների ընդլայնման և բարվոք ապագայի։

«Hope For Armenia and Teach For Armenia»- Հենց այս խոսքերով Քիմ Քարդաշյանը, Շերը, ինչպես նաև մի շարք այլ ականավոր սփյուռքահայ գործիչներ կոչ են անում միանալ «Դասավանդի’ր, Հայաստան»-ի նախաձեռնությանը՝ ընդլայնելու Հայաստանի և Արցախի աշակերտների կրթական հնարավորությունները։

Վաղը՝ մայիսի 7-ին, մեկնարկելու է «Դասավանդի’ր, Հայաստան» հիմնադրամի «Hope For Armenia: A Springtime Debut» առցանց տեղեկատվական միջոցառումը, որի ընթացքում Հիմնադրամի Ուսուցիչ-առաջնորդները, ովքեր թողել են իրենց առօրյան ու միացել հեռավոր գյուղերում դասավանդելու առաքելությանը, կիրականացնեն առցանց շրջագայություն դեպի Հայաստան և հետպատերազմյա Արցախ, կծանոթացնեն իրենց դպրոցների հետ և կներկայացնեն կատարված աշխատանքները: Այս շարժմանն են միացել աշակերտներ ու ուսուցիչներ՝ մոտ 100 համայնքներից, երիտասարդ մասնագետներ, բարերարներ և համաշխարհային մեծության աստղեր։ 

Միջոցառման և շարժամնը միանալու մանրամասների համար անհրաժեշտ է այցելել Հիմնադրամի պաշտոնական կայքէջ: