Տնտեսական մրցակցության պաշտպանության պետական հանձնաժողովն առաջին անգամ ուսումնասիրություն է սկսել հանքարդյունաբերության ոլորտում. «Ռադիոլուրի հյուրասրահ»–ում հայտնել է հանձնաժողովի նախագահ Գեղամ Գևորգյանը։ Ուսումնասիրությամբ փորձելու են ներկայացնել շուկայի իրական պատկերը՝ տնտեսվարող սուբյեկտներից մինչև կենտրոնացվածության աստիճան, գերիշխող դիրք ու հակամրցակցային համաձայնություններ ։
«Փորձելու ենք պարզել իրական սեփականատերերին, որ հասկանանք շուկայում կենտրոնացվածություն կա՞, թե՞ ոչ»,– ասել է ՏՄՊՊՀ նախագահը՝ պատասխանելով հարցին, թե արդյոք կբացահայտվեն հանքերի իրական սեփականատերերը։
Հանձնաժողովն ուսումնասիրություններ է սկսելու նաև ալյուրի, ցորենի, մեդիա գովազդի ոլորտներում։ Իսկ բենզինի, դիզելային վառելիքի, կարագի, կոնյակի շուկաներում և ԱԳԼՃԿ–ներում ուսումնասիրություններն արդեն ավարտել է։
