Կան արդյո՞ք տեսանելի փոփոխություններ կրթության համակարգում, ո՞ր առանցքով պետք է բարեփոխվի ոլորտը, ի՞նչ կրթական համակարգ ենք ուզում ունենալ։
«Արեգնազան» կրթահամալիրի ուսուցիչ Արա Աթայանը կարծում է, որ ոլորտում առաջնային խնդիրը բազմազանություն ապահովելն է, այլընտրանքային դպրոցների գործունեության համար պայմաններ ստեղծելը: «Կրթահամակարգը պետք է լինի այնպիսին, որ այնտեղ գործել կարողանան ամենատարբեր մեթոդաբանությամբ ու ոճով աշխատող դպրոցները։ Դպրոցները պետք է վառ, տարբեր գույների լինեն։ Սա է այն համակարգը, որից կարելի է ապագայի համար սերմեր սպասել», – ասում է Աթայանը։
Պետք չէ վախենալ այն մարդկանցից, որոնք տարիներ շարունակ աշխատել են մանկավարժության մեջ ՝ նշում է մանկավարժը ու հորդորում մասնագետների հետ խոսել՝ լայն ճակատ ձևավորելով։
«Արժեքների հեղափոխություն» հաղորդման հեղինակ Վահե Հովհաննիսյանը Արա Աթայանի հետ զրուցել է կրթական խնդիրների ու մարտահրավերների մասին։
