«Արմատներ»- ը՝ սիրո եւ ցեղասպանության մասին
Հայոց ցեղասպանությանը նվիրված «Արմատներ» ֆիլմն այսօր երեկոյան կբարձրանա մեծ էկրան: Մշակույթի նախարարության, Կինո կենտրոնի ու 100-ամյա տարելիցին նվիրված միջոցառումները համակարգող պետական հանձնաժողովի աջակցությամբ ստեղծված ֆիլմը սփյուռքահայ երկու երիտասարդների սիրո պատմության մասին է, որը զուգակցվում է ցեղասպանության 100-ամյա տարելիցի իրադարձություններին։ Ֆիլմի ստեղծագործական թիմի նպատակն է այս ֆիլմով հաջորդ սերունդներին փոխանցել այն ուժն ու միասնականությունը, որը ձևավորվել էր 2015 թվականին: Եվ այդ միասնակությունը նկատվեց նաև այս տարվա ապրիլյան իրադարձությունների ընթացքում: ֆիլմը նախատեսում են արտերկրում ցուցադրել հատկապես երիտասարդության շրջանում և նաև Սփյուռքի նախարարության «Արի տուն» ծրագրի շրջանակներում Հայաստան այցելող երիտասարդներին:
Հայոց ցեղասպանության տարելիցին ընդառաջ << Շարմ>> ընկերությունը հայ հասարակության դատին է ներկայացնում մեծ եղեռնին նվիրված <<Արմատներ>> խորագրով ֆիլմը: Նախորդ տարվանից սկսված նկարահանումների արդյունքը հանդիսատեսը մեծ էկրանին կտեսնի այսօր: Գեղարվեստական ֆիլմը ցեղասպանությունից հետո ծնված չորրորդ սերնդի սիրո պատմության մասին է:
Բոստոնաբնակ հայազգի երիտասարդը ապրիլի 24-ին Հայաստան այցի ժամանակ հանդիպում է ցեղասպանությունից մազապուրծ Մարսելում բնկավող ընտանիքում ծնված աղջնակի: Այստեղ էլ հյուսվում է Արամի ու Անետի գեղեցիկ սիրո պատմությունը: Սրան զուգահեռ ֆիլմում ներկայացված են նաև 100-րդ տարելիցին նվիրված միջոցառումները, որոնք իրենց շուրջը համախմբեցին աշխարհասփյուռ հայությանը: Ստեղծագործական թիմի նպատակն է այս ֆիլմով սերնուդներին փոխանցել 100-րդ տարելիցի իրադարձությունների ողջ էներգետիկան և գլխավոր դերակատարների գործողությունները նկարահանվել են հենց իրադարձությունների ընթացքում, ասում է ֆիլմի գլխավոր պրոդյուսեր Կարեն Ղազարյանը:
Ապրիլյան իրադարձությունների ժամանակ համայն հայության համախմբումն էլ, գլխավոր պրոդյուսերի կարծիքով, 100-ամյա տարելիցի միջոցառումների ժամանակ ստեղծված ամբողջականության ուժի արդյունքն էր: Վերջինիս ցանկությունն է, որ այս ֆիլմն ունենա դիտողների մեծ բանակ:
Երիտասարդների սիրո պատմությունը փաստում է, որ հեռավոր երկրներում բնակվող հայազգի երիտասարդների հայրենիքում ծնված սերը նաև սերն է հայրենիքի հանդեպ, ասում է բեմադրող ռեժիսոր Վահե Յանը: «Ֆիլմում շատ կարեւոր պահ կա, երբ հերոսը հասկանում է, որ ինքը սփյուռքահայ չէ, և չկա առհասարակ սփյուռքահայ հասկացողություն»,- ասում է:
Ցուցադրություններ կլինեն և՛ ԱՄՆ-ում, և՛ Ռուսաստանում: Սակայն սա ֆիլմ է ներքին խնդիրները լուծելու համար, այլ ոչ՝ մյուս ազգերին ներկայացնելու մեր ցավը՝ ասում է գլխավոր պրոդյուսերը: Վավերագրական ու գեղարվեստական ժանրերի սինթեզումից ստացված ֆիլմը սգի ու մեր ցավի լացի մասին չէ, մատուցման ձևն այս ֆիլմում այլ է: Տխրություն, ուրախություն և հումոր, այս բոլորը միախառնված են ֆիլմում: Արամի դերակատար Անդրանիկ Բաբայանը դոկումենտալիստ է և իր համար հետաքրքիր էր խաղալ գեղարվեստական ժանրում:
Կոմպոզիտոր Անդրանիկ Բերբերյանը, ով նաև ֆիլմի երաժշտության հեղինակն է, նշում է, որ <<Արմատներ>> անվանումը իրեն ստիպել է վերադառնալ երաժշտական արմատներին և ստեղծել այնպիսի մեղեդի, որը կպարունակի հայկական էլեմենտներ:
Ընկերությունն այսօր աշխատում է երկու այլ գեղարվեստական ֆիլմերի վրա։ Սյուժեն ղարաբաղյան պատերազմն ու այսօրվա մարտունակ բանակի հերոսապատումներն են։ <<Կռիվ և կյանք<< , << Կռիվ և կյանք 25 տարի անց>> վերնագրերով ֆիլմերը նվիրված են Անկախության և Հայոց բանակի 25- ամյակներինին: Ասելիքը մեկն է՝ 90- ականների հերոսների գործը շարունակու են մերօրյա հերոսները: