Երևանի առևտրի կետերում նախասեպտեմբերյան գնումների եռուզեռը սկսած է: Շուրջ մեկ տարի տևող փոխարժեքի տատանումները չշրջանցեցին նաև գրենական պիտույքների շուկան: Տնտեսագետ Վիլեն Խաչատրյանը ծնողներին հորդորում է ուսումնական տարվա մեկնարկին նախատեսված գնումները կատարել ճիշտ խանութներից: Տնտեսագետը նկատել է՝ վերջին շրջանում առևտրի մի շարք մեծ կենտրոններ գնային ճկուն քաղաքականություն են վարում, ուստի և պետք է օգտվել նրանց մարկետինգային քաղաքականությունից: Սպառողների միության նախագահ Արմեն Պողոսյանն էլ փաստում է՝ սպառողները դժգոհ են ոչ միայն թանկացումից, այլ գնվող ապրանքի որակից:
Ոչ թե տոն, այլ` չարչարանք, նախ ծնողների հետո արդեն երեխաների համար: Բնութագրումը Սպառողների միության նախագահ Արմեն Պողոսյանինն է՝ նոր ուսումնական տարվա մեկնարկին ընդառաջ: Սեպտեմբերի մեկին հաշված օրեր են մնացել: Ու հանրապետության առևտրի կետերում նկատվող եռուզեռը բնական է: Յուրաքանչյուր ծնող իր հնարավորության, ինչու չէ նաև անհնարինության սահմաններում ջանում է երեխային ըստ պատշաճի դպրող կամ բուհ ճանապարհել: Ոչ բոլոր ծնողներին է դա հաջողվում: Նախորդ տարվա համեմատ, այս տարի թանկացել է ամեն ինչ՝ գրենական պիտույքները, անհրաժեշտ հագուստն ու կոշկեղենը,- դժգոհում են ծնողները:
Սպառողների միության նախագահ Արմեն Պողոսյանը պարզ հաշվարկ է ներկայացնում. «Եթե համեմատնք միջին աշխատարվարձը, և նկատենք, որ որպես կանոն ընտանիքում աշխատում է մեկ հոգի, իսկ ինչպիսին է սպառողական զամբյուղը, եթե բաժանենք միջին աշխատավարձը չորս հոգու, կետսնենք, որ ամեն մեկի համար ապահովված չէ նույնիսկ նվազագույն պառողական զամբյուղը: Այդ վիճակում մարդիկ տագնապի մեջ են ընկնում: Դրան գումարվում է նաև գների աճը»:
Սպառողների իրավունքների պաշտպանն ընդգծում է՝ մեր երկրում բնակչության 10-12 տոկոսի համար է, որ գների բարձրացումն էական նշանակություն չունի:
Տնտեսագետ Վիլեն խաչատրյանը գների բարձրացումը փոխարժեքի տատանումներով է պայմանավորում, այսպես, եթե անցյալ տարի նույն այս օրերին մեկ դոլարը գնվում էր 410 դրամով, այսօր արդեն մեկ դոլարը գնվում է 480, երբեմն նաև՝ 482 դրամով: Հիմնական գնաճն ըստ փորձագետի մանրածախ խանութներում է նկատվում: Մեծածախ շուկաներում խաղի կաննոները հիմնականում սահմանված են: Փորձագետն ընդգծում է՝ գնաճը հիմնականում մանրածախ առևտրի կետերում է: Տնտեսագետը հորդորում է փնտրել, գտնել ու անհրաժեշտ գնումները կատարել ճիշտ խանութներից.
«Ինչպես նկատում ենք վերջերս, որոշ խանութներ ունեն որոշակի մարկետինգային քաղաքականություն, որ փորձում են ներգրավել սպառողներին: Ինչքանո՞վ դա կաշխատի, որքանո՞վ դա օպտիմալ կլինի, դա հարցի մյուս կողմն է: Բայց այնուամենայնիվ նման տրամադրություններ կան, որը մինչ այդ գրեթե նկատելի չէր, որ այդ շուկայում նույնպես նմանատիպ քայլ անեն»:
Սպառողների միության նախագահ Արմեն Պողոսյանը մեկ այլ կաևոր հարց էլ է առանձնացնում: Իրենց գրասենյակում չեն դադարում հեռախոսազանգերն ու դժգությունները՝ գնվող ապրանքի որակից: Անորակ են հատկապես Չինաստանից ներկրված դպրոցական պայուսակները,- վստահեցնում է Պողոսյանը:
«Ներկրվող ապրանքը պետք է համապատասխան հավաստագիր ունենա հենց սահմանի վրա՝ մաքսակետում, ինչն էլ իր հերթին ապրանքի երաշխիք կդառնա»,- ասում է Արմեն Պողոսյանն ու հավելում, -մինչդեռ ներկրվող ապրանքների համար հավաստագիրը պարտադիր է դառնում միայն պահեստից վաճառասրահ գնալու ճանապարին:
