REN TV թղթակցին հաջողվել է հանդիպել այն թոշակառուի հետ, ով համացանցում հայտնի է դարձել՝ աշխարհահռչակ շանսոնիե Շառլ Ազնավուրի երգերի կատարման շնորհիվ:
Լիդիա տատիկն ասել է, որ տեղյակ է Շառլ Ազնավուրի հրավերի մասին, սակայն մտահոգ է , քանի որ երբեք համերգների չի գնացել, իսկ ռեստորան գնալու համար համապատասխան հագուստ չունի:
Հիշեցնենք, որ Շառլ Ազնավուրը ռուս թոշակառուին ոչ միայն իր համերգին էր հրավիրել, այլեւ խոստացել էր նրա հետ ընթրել:
Լրագրողի հարցին, թե երբեւէ Լիդիա տատիկը երազե՞լ է հանրահայտ շանսոնիեի համերգին ներկա գտնվելու մասին, Լիդիա Իվանովան պատասխանել է, որ չի էլ մտածել անգամ այդ մասին:
Իսկ Շառլ Ազնավուրի երգերը լսել է ռադիոյով ու անգիր է արել, չնայած որ ֆրանսերեն չգիտի:
Ի դեպ, Շառլ Ազնավուրը, լսելով իր երկրպագուհու ձայնը, համեմատել է Էդիթ Պիաֆի ձայնի հետ: Ազնավուրը դիտել է տիկնոջ երգի տեսահոլովակը և ասել. «Նա երգում է, ինչպես Պիաֆը: Նա կարող է երգելով կարիերա անել»: Ազնավուրը խոստացել է հանդիպման ժամանակ երգել ռուս թոշակառուի հետ թե՛ հայերեն, եւ թե՛ ֆրանսերեն:
Լիդիա Իվանովան ասել է.«Եթե հանդիպեմ Շառլ Ազնավուրի հետ, շնորհակալություն կհայտնեմ նրա ստեղծագործական գործունեության համար»:
«Ես կյանքում լավատես եմ», հավելել է Շառլ Ազնավուրի երկրգպահուն:
