Մշակույթ

«Անդին» ամսագրի Տարվա մրցանակին արժանացել է Հայ զինվորը

aidaavetisyan

«Անդին» գրական- գեղարվեստական, հասարակական ու քաղաքական ամսագիրն այսօր  անցկացրեց իր մրցանակաբաշխությունը։ Ութ անվանակարգերում լավագույններն արժանացել են  մրցանակների:  Տարվա հայտնություն անվանակարգում  պարգևատրվել է   երիտասարդ բանաստեղծ Նարեկ Կիրակոսյանը, իսկ Տարվա մրցանակին է արժանացել Հայ զինվորը:

Արձակագիր, հրապարակախոս Մերուժան Տեր- Գուլանյանի ջանքերով   2012 թվականին հիմնադրվեց «Անդին» ամսագիրը: Գրական-  գեղարվեստական, հասարակական, քաղաքական   ամսագիրը թեև քիչ ժամանակ է ինչ գործունեություն է ծավալում, սակայն   ընթերցողների մեծ բանակ ունի։ Վկայությունը՝ 3500 տպաքանակն է։ «Անդինն» այս տարի նախատեսում է տպաքանակը հասցնել 5000- ի։

Պահանջված և արդեն  մեծ լսարան ունեցող  ամսագիրն իր ուրույն տեղն է գտել մշակութային  կյանքում, ասում է «Անդինի» գրական բաժնի խմբագիր   Անի Տեր- Գուլանյանը։

Ամսագրի ընթերցողների շարքում են նաեւ Հայոց բանակի զինծառայողները։ Իր առաջին համարից սկսած  միշտ ունեցել է էջեր՝ նվիրված զինված ուժերին ու հայ զինվորի սխրանքին:

«Անդինում» լուս տեսնվող նյութերում հասարակությանը հոզող բազմաթիվ խնդիրեր են բարձրացնում՝ մեծ լսարան  ապահովելով, ասում է ռեժիսոր, սցենարիստ Արամ Սուքիասյանը:

Այսօր  ամսագիրն իր  շուրջն էր համախմբել  գրքասեր  հասարակությանն ու «Անդիրնի» գործունեությունը գնահատողներին:  Այս անգամ առիթը ոչ թե ամսագրի  բացառիկ կամ  նոր համարի հրատարակությունն էր, այլ՝ մրցանակաբաշխությունը:

Խմբագրատունը բաց է բոլորի համար, միայն թե ներկայացվող նյութը լինի արժեքավոր, ասում է «Անդինի» խմբագրական խորհրդի նախագահ Մերուժան Տեր- Գուլանյանն ու նշում, որ այս ամսագիրն այն հարթակներից է, որը հնարավորություն է ընձեռում արտահայտվել գրական կյանքում  իրենց առաջին քայլերն անող երիտասարդներին։

Տարվա մրցանակին արժանացավ Հայ զինվորը, որի գործն անմահ է, սխրանքը՝ անգնահատելի «Անդինն» ու հայոց բանակը երկու  տարի է համագործակցում են և,  պաշտպանության նախարար Սեյրան Օհանյանի ձևակերպմամբ,  իրենց համատեղ կյանքի խնդիրները կարողացել են  տեղափոխել անդին:

Թեև ամսագիրն իր էջերում  ունեցել է հոդվածներ՝ նվիրված Հայոց ցեղասպանությանը, սակայն այս տարի՝  Մեծ եղեռնի 100-րդ տարելիցին, Մերուժան Տեր-Գուլանյանը   հորդորեց գրչակից ընկերներին նյութերի հիմքում դնել ցեղասպանության թեման։

Back to top button