Հուլիսի 4-ի գիշերը ուկրաինական անօդաչու թռչող սարքերը լայնածավալ հարձակում են իրականացրել Ռուսաստանի Սանկտ Պետերբուրգ քաղաքի և Լենինգրադի մարզի ենթակառուցվածքների ուղղությամբ։ Սոցիալական ցանցերում հրապարակված տեսանյութերի և պաշտոնական հաղորդագրությունների համաձայն՝ գլխավոր թիրախ է դարձել Պետերբուրգի նավթային տերմինալը։
Նավթային տերմինալի տարածքում հարվածների հետևանքով ուժեղ հրդեհ է բռնկվել։ Լենինգրադի մարզի նահանգապետ Ալեքսանդր Դրոզդենկոն հայտնել է, որ ԱԹՍ-ների հարձակման է ենթարկվել նաև Վիսոցկ նավահանգիստը։
Սանկտ Պետերբուրգի նահանգապետ Ալեքսանդր Բեգլովը հայտարարել է, որ տարածաշրջանում ակտիվորեն գործել են հակաօդային պաշտպանության համակարգերը։ Ռուսական կողմը նշել է, որ միայն Լենինգրադի մարզում խոցվել է մի քանի տասնյակ անօդաչու սարք։
Ըստ նախնական տվյալների՝ միջադեպի հետևանքով քաղաքացիական բնակչության շրջանում զոհեր և տուժածներ չկան։ Ուկրաինայի ռազմական ղեկավարությունը հաստատել է գործողության իրականացումը՝ այն որակելով որպես «ռազմավարական հարված Ռուսաստանի տնտեսական ենթակառուցվածքներին»։
