Ադրբեջանի պետական անվտանգության ծառայության պետի տեղակալ Շարաֆատ Հասանովը Անհետ կորած անձանց հարցերով միջազգային հանձնաժողովի հետ համագործակցության շրջանակում անցկացվող «Անհետ կորած անձանց խնդրի լուծման ժամանակակից մոտեցումները և համագործակցության ամրապնդումը» թեմայով միջազգային համաժողովում հայտարարել է, որ Ադրբեջանի և Հայաստանի քաղաքացիների համար հնարավորություն կստեղծվի գաղտնի տեղեկատվություն տրամադրել անհետ կորածների և թաղման վայրերի մասին: Ըստ հայտարարության՝ տրամադրված տեղեկությունները կօգտագործվեն բացառապես մարդասիրական նպատակներով, իսկ տեղեկություն տրամադրող անձը որևէ պարագայում պատասխանատվություն չի կրի։ «Այստեղ նպատակը անհետ կորած անձանց ճակատագրի պարզմանը նպաստելն է»,- նշել է Հասանովը:
Ինչ մեխանիզմով է հնարավոր անհետ կորած անձանց գերեզմանները գտնելը կամ նույնականացնելը։ Ո՞վ է երաշխավորելու տրամադրված տեղեկությունների գաղտնիությունը։ Այս ու այլ հարցերի շուրջ տարածաշրջանային հարցերով փորձագետ Արմեն Պետրոսյանի հետ զրուցել է Կարեն Ղազարյանը։
