Հասարակություն

Ինչ անել սպորտը մարզերում զարգացնելու համար

satikisahakyan
Ինչպիսի վիճակում են հանրապետության մարզերի մարզադպրոցները, ինչի կարիք ունեն, որպեսզի սպորտը և ֆիզկուլտուրան զարգանան  մարզերում: Այս խնդիրներին ծանոթանալու նպատակով Սպորտիր և երիտասարդության հարցերի նախարար Գաբրիել Ղազարյանի հերթական այցն Արմավիրի մարզում էր:  Նախարարը խոստացել է մարզադպրոցներում աշխատող մարզիչ-մանկավարժների աշխատավարձի բարձրացում, իսկ ներկայացված պահանջագրի համաձայն ապահովել անհրաժեշտ մարզագույքով: Իսկ ինչ վերաբերում է Արմավիրի «Հոբելյանական» մարզադաշտին, Գաբրիել Ղազարյանը հետամուտ է լինելու խնդրի մասնակի լուծմանը:

 

«Առողջ մարմնում՝ առողջ հոգի» սկզբունքով են առաջնորդվում նրանք, ովքեր կտրվելով դրսից ու փողոցից, պարբերաբար հաճախում են մարզադպրոցներ՝ կոփում մարմինն ու բնավորությունը: Սակայն  շատ և շատ մարզադպրոցներ ներկայում աչքաթող են արվել , ունեն բազմաթիվ խնդիրներ: Սպորտի և երիտասարդության հարցերի նախարար Գաբրիել Ղազարյանը Արմավիրի մարզում այցելել է մի շարք մարզադպրոցներ, ծանոթացել բարձրացված խնդիրներին, լսել պահանջները:

Արմավիրի Արեստակ Ղազարյանի անվան մենապայքարային մարզաձևերի մանկապատանեկան մարզադպրոցը հիմնվել 12 տարի առաջ, որտեղ հաճախում է 232  7-ից մինչև 17 տարեկան երեխաներ և պատանիներ: Դպրոցն ունի  հունահռտոմեական ընբշամարտի, բոքսի և ծանրապարտի մարզաձևերի 23 խումբ, որոնց պարապմունքները կազմակերպվում են արդեն հնացած մարզագույքով: Մարզադպրոցը սպորտի և երիտասարդության հարցորով նախարարության ենթակայության ներքո գործող պետական ոչ առևտրային կազմակերպություն է, որտեղ սաներն անվճար է մարզվում:

Մենապայքարային մարզաձևերի մարզադպրոցը ունեցել  է բռնցքամարտի  3 չեմպիոն, որոնք արտերկրում իրենց ուժերը փորձում են պրոֆեսիոնալ մարզաձևում:

Այցի ընթացքում կարևորվել է սպորտը զարգացնել նաև գյուղական բնակավայրերում, երիտասարդների ճկունությունը ու մարզական պատրաստվածությունը անհրաժեշտ է մեր բանակին, որտեղ ֆիզիկապես ուժեղ և կոփված զինվորները կգործեն մարտական սխրանքներ:

Արմավիրի մարզում սպորտը միջին հիմքերի վրա է դրված, մաշված գույքով  պարապմունքներն այնուամենայնիվ որոշակի հաջողություններ գրանցել է: Մարզադպրոցներում մանկավարժ-մարզիչների աշխատավարձը ցածր է՝ 40-50 հազար դրամ, որոնք գրեթե գործի նվիրյալներ են և անտեսելով սոցիալական վատ պայմանները շարունակում են աշխատել մարզադպրոցներում, չեն օգտվում սոցիալական ապահովագրության  փաթեթներից: Արտակ Եփրեմյանը Արմավիրի քաղաքապետարանի ըմբշամարտի դպրոցի մարզիչ է, դպրոցում գործում են հունահռոմեական և ազատ ոճի ըմբշամարտի, ձյուդոյի մարզաձևերը, ունեցել են չեմպիոններ, սակայն աշխատում են ցածր աշխատավարձով:

Նախարարը նշեց, որ աշխատավարձերը շուտով կհավասարեցվեն, քանի որ տարբեր գերատեսչական մարզադպրոցներում տարբեր աշխատավարձի չափ է սահմանված:

Սպորտի և երիտասարդության հարցերի նախարար Գաբրիել Ղազարյանը լսել է նաև Արմավիրի «Հոբելյանական» մարզադաշտի տնօրենի բարձրացրած խնդիրները և խոստացել հետամուտ լինել լուծմանը, բայց  ոչ շենքային պայմանների բարելավմամբ:  Նշեմ, որ «Հոբելյանական»  մարզադաշտը անբարեկարգ ու կիսաքանդ է, որին օրեցօր նպաստում են առատ տեղումները:

Back to top button