Հինգշաբթի գիշերը Ռուսաստանից մի քանի անօդաչու թռչող սարք է մտել Լատվիայի օդային տարածք։ Ըստ Լատվիայի ազգային զինված ուժերի՝ (NAF) դրանցից երկուսը ընկել են։ Անօդաչու թռչող սարքերի պատկանելությունը չի նշվում:
Պետական հրշեջ և փրկարարական ծառայության (SFRS) տվյալներով՝ մի քանի զանգ է ստացվել Ռեժեկնե քաղաքի նավթի պահեստարանում հնարավոր հրդեհի մասին: Հրշեջները կրակ չեն հայտնաբերել, բայց «ձեռնարկվում են անհրաժեշտ միջոցներ վառելիքի պահեստարաններից մեկը սառեցնելու համար»:
Delfi-ի տվյալներով՝ Ռեժեկնեի բնակիչները հայտնել են, որ գիշերը երկնքից շարժիչների և պայթյունների ձայներ են լսվել:
