Միջազգային

ԵԱՀԿ դիտորդները գնդակոծման են ենթարկվել Ուկրաինայի արեւելքում

ԵԱՀԿ դիտորդները գնդակոծման են ենթարկվել Ուկրաինայի արեւելքում: Այդ մասին հաղորդվում է հատուկ հաշվետվության մեջ, որը հրապարակվել է կազմակերպության կայքում: Առաքելության ներկայացուցիչները նշում են, որ միջադեպի հետեւանքով ոչ ոք չի տուժել: Գնդակոծումը տեղի է ունեցել նոյեմբերի 26­-ին, երբ դիտորդները երեք ավտոմեքենաներով ուկրաինացի զինվորականների ուղեկցությամբ հսկիչ անցակետերից մեկից դեպի մյուսն էին գնում Կիրովո եւ Շումի քաղաքների միջեւ: Գնդակոծումից անմիջապես հետո դիտորդները լքել են պատահարի վայրը: ԱՄՆ­-ը դատապարտել է ԵԱՀԿ դիտորդների վրա կատարված հարձակումը եւ գտնում է, որ նրանք գնդակոծվել են Դոնբասում գործող աշխարհազորայինների կողմից: Ասված է ԱՄՆ­-ի պետդեպարտամենտի պաշտոնական ներկայացուցիչ Ջեն Պսակիի գրավոր հայտարարության մեջ:

«Մենք կոչ ենք անում բոլոր կողմերին ձեռնպահ մնալ այնպիսի գործողություններից, որոնք կարող են սպառնալիք ստեղծել Ուկրաինայում ԵԱՀԿ­-ի առաքելության անվտանգության համար»,­ ասել է պետդեպարտամենտի ներկայացուցիչը: Նա հերթական անգամ Ռուսաստանին եւ աշխարհազորայիններին առաջարկել է «ԵԱՀԿ­-ի դիտորդներին հնարավորություն ընձեռել կատարելու մանդատին համապատասխան իրենց վրա դրված խնդիրները», հաղորդել է ՏԱՍՍ-­ը:

Back to top button