Նախորդ օրերին ուշագրավ զարգացում գրանցվեց հարավկովկասյան հարաբերություններում։ Այն բանից հետո, երբ Հայաստանից ու Ադրբեջանից հայտարարեցին, թե կողմերը պատրաստվում են ադրբեջանական էներգակիրներ ներկրել Երևան՝ Վրաստանի տարածքով, հայտնի դարձավ, որ վրացական կողմը անսովոր բարձր գին է պահանջել իր տարածքով դեպի Հայաստան ադրբեջանական նավթամթերքների տեղափոխման համար։
Ճի՛շտ է ժամանակ անց Վրաստանի վարչապետը հայտարարեց , թե առաջին խմբաքանակը, ընդհանրապես, անվճար կտեաղափոխեն, սակայն պարզ չէ, թե, այնուամենայնիվ, ի՞նչ գին է պահանջելու վրացական կողմը հաջորդ խմբաքանակների պարագայում։
Այս ամենի հետևանքով ականատես եղանք անսովոր մի իրավիճակի, երբ Ադրբեջանից սկսեցին քննադատել Վրաստանին՝ հիշեցնելով նաև, որ վրացական իշխանությունները վերջերս խնդիրներ էին ստեղծել դեպի Վրաստան մեկնող ադրբեջանական բեռնատարների համար։
