Հայաստանը շարունակում է մնալ տեղեկատվական հարձակումների թիրախ․ «Հանրամեդիա»

Հայաստանը պատերազմից հետո տոտալ գտնվում է օտար նարատիվների գրոհի ներքո։ «Հանրամեդիա» հաղորդմանն այդ մասին ասել է լրագրող, հրապարակախոս Արայիկ Մանուկյանը։

Հանրային ռադիոյի եթերում հեռարձակվող «Հանրամեդիա» հաղորդմանը բանախոսները Լևոն Սարդարյանի հետ քննարկում են մեդիայի առաքելությունը, ներկայիս խնդիրները, ապագան։ «Հանուն հավասար իրավունքների» կրթական կենտրոնի նախագահ Գայանե Աբրահամյանն էլ նշել է, թե ընտրությունների լուսաբանումը բարդ պրոցես է, եւ այդտեղ օբյեկտիվությունն ամենակարևոր սկզբունքներից մեկն է լրագրողի համար։

ԶԼՄ-ների էթիկայի դիտորդ մարմնի ղեկավար Բորիս Նավասարդյանն էլ նշել է, թե խորհրդարանական ընտրություններից հետո պետք է մշակել մեդիա ոլորտի նոր քաղաքականություն։