Երգչուհի, երգահան Էլվինա Մակարյանի ստեղծագործական ուղին. «Կենդանի ձայնադարան»

15 տարեկան էր, երբ Հայաստանի պետական էստրադային նվագախմբի գեղարվեստական ղեկավար Կոնստանտին Օրբելյանը, լսելով նրա ձայնը, հրավիրեց անսամբլ։ Այդ տարիները դարձան Էլվինայի թռիչքը երգարվեստում․ սկսվեցին արտասահմանյան շրջագայությունները։ 1970-ականներին երգչուհին մասնակցեց բազմաթիվ միջազգային փառատոնների, ելույթ ունեցավ աշխարհի տարբեր բեմերում։

1980-ականներին երգել է նաև Հեռուստառադիոպետկոմի էստրադային-սիմֆոնիկ նվագախմբում։ Ռադիոյի Ոսկե ֆոնդում պահպանված երգչուհու ձայնագրությունները հասանելի են armradioarchive.am կայքում։ Նրա երգելու ձևը, ոճն ու թեմատիկան առանձնահատուկ էին և տարբերվող։ Մահվանից մեկ շաբաթ առաջ տված հարցազրույցում երգչուհին ասել է․ «Ես այսօրվա շնչի արվեստագետ եմ։ Ամեն օր իմ մեջ է այսօրվա շունչը։ Ես հին վիբրացիաներով չեմ ապրում»։ Այս թողարկումը նվիրվում է երգչուհի, երգահան Էլվինա Մակարյանին։

Ստուդիայում է Հանրային ռադիոյի էստրադային-սիմֆոնիկ նվագախումբը, գեղարվեստական ղեկավար՝ Երվանդ Երզնկյան։ Մենակատարներ՝ Նաիրա Մանուչարյան, Լուսինե Կչոզյան, Ամալյա Ալմազյան։