Ռուսաստանում Գարի Կասպարովին հեռակա կալանավորել են

Մոսկվայի Զամոսկվորեցկի շրջանային դատարանը Գարի Կասպարովին հեռակա երկու ամսով կալանավորել է։

«Դատարանը Կասպարովի նկատմամբ խափանման միջոց է ընտրել երկու ամսով կալանավորումը ՌԴ-ում նրան ձերբակալելու կամ Ռուսաստանի տարածք հանձնելու դեպքում»,- դատարանի որոշումն է մեջբերել ՏԱՍՍ-ը։

Ռուսական ընդդիմադիր շարժման հայտնի գործիչ եւ շախմատի աշխարհի 13-րդ չեմպիոն Գարի Կասպարովին մեղադրում ենք ինտերնետի եւ սոցցանցերի միջոցով ահաբեկչությունը հրապարակային արդարացնելու մեջ։

Թե ինչպես է արդարացրել նա ահաբեկչությունը՝ մանրամասներ չեն հայտնվում։

2022 թվականի մարտին Ռուսաստանի արդարադատության նախարարությունը Կասպարովին ճանաչել էր օտարերկրյա գործակալ։ Կասպարովը այժմ Ռուսաստանում չի ապրում։