Հայաստանի պետական սիմֆոնիկ նվագախումբը 2026թ. ապրիլի 14-ին մեծ համերգով կնշի հիմնադրման 20-ամյակը: Միջոցառման կազմակերպման համար ՀՀ Կառավարությունն այսօրվա նիստում որոշում կայացրեց ՀՀ ԿԳՄՍ նախարարությանը տրամադրել 106 մլն դրամ:
«Կարեն Դեմիրճյանի անվան մարզահամերգային համալիրում ելույթ կունենա չինական ծագում ունեցող ամերիկացի աշխարհահռչակ դաշնակահար Լանգ Լանգը, որը համարվում է ժամանակակից ամենապահանջված և ազդեցիկ երաժիշտներից։
Երկարատև բանակցությունների արդյունքում Լանգ Լանգի կողմից Երևանում համերգով հանդես գալու վերաբերյալ ստացված համաձայնությունը հայկական դասական երաժշտարվեստի համար մեծ ձեռքբերում է»,-ասված է Հայաստանի պետական սիմֆոնիկ նվագախումբի մամուլի ծառայության տարածած հաղորդագրությունում :
