Հայաստանի Հանրապետության արտաքին գործերի նախարարությունը ցավակցություն է հայտնել Ավստրալիայի Սիդնեյ քաղաքի Բոնդի լողափում տեղի ունեցած կրակոցների հետևանքով զոհվածների ընտանիքներին։
Ցավակցական գրառումը հրապարակվել է ՀՀ ԱԳ նախարարության X-ի էջում։
«Ցնցված ենք Սիդնեյի Բոնդի լողափում տեղի ունեցած կրակոցներից, որոնք բազմաթիվ անմեղ կյանքերի կորստի պատճառ են դարձել։ Հայաստանը խստորեն դատապարտում է ահաբեկչությունն իր բոլոր ձևերով և դրսևորումներով։ Մեր խորին ցավակցություններն ենք հայտնում զոհերի ընտանիքներին և աղոթում վիրավորների արագ ապաքինման համար»,- նշված է Հայաստանի ԱԳ նախարարության տարածած գրառման մեջ։
Shocked by the shooting at #Sydney's Bondi Beach, causing the loss of many innocent lives. Armenia strongly condemns terrorism in all its forms & manifestations. Heartfelt condolences to the families of the victims & prayers for the speedy recovery of the injured.@dfat
— MFA of Armenia🇦🇲 (@MFAofArmenia) December 14, 2025
Սիդնեյի հայտնի Բոնդի-բիչ լողափում կրակոցների հետևանքով զոհվել է 15 մարդ։ Հարձակվողներից մեկը ծանր վիրավորվել և ձերբակալվել է, իսկ մյուսը հրաձգության ժամանակ սպանվել է։ Հարձակման պահին լողափին հավաքված մարդիկ նշել են հրեական Խանուկա տոնը։ Ոստիկանությունը հարձակումը դիտարկում է որպես ահաբեկչություն։
