Կոմպոզիտոր Ալեքսանդր Աճեմյանի երաժշտությունը սերնդեսերունդ փոխանցվող արժեք է՝ անկեղծ, հայաշունչ, ջերմ ու խորքային։ Նրա ստեղծագործությունները հայկական էստրադան ոչ միայն հարստացրել են, այլև դարձել մեր ազգային երաժշտական մտածողության անբաժան մասը։ ԿԳՄՍ նախարարության, Հայաստանի հանրային ռադիոյի և Հայաստանի ազգային ֆիլհարմոնիկ նվագախմբի աջակցությամբ նոյեմբերի 17-ին ունկնդիրը հնարավարություն ունեցավ ճամփորդելու Աճեմյանի ստեղծագործական աշխարհով՝ նրա երգերի, արվեստակիցների հիշողությունների և նոր սերնդի կատարողների միջոցով։
