Թարգմանիչ, սերբագետ Բաբկեն Սիմոնյանը՝ «Բաց գիրք» միջազգային գրական մրցանակի հաղթող. «Հայագիտակ»

Միջազգային «Բաց գիրք» մրցանակն այս տարի շնորհվեց սերբագետ Բաբկեն Սիմոնյանին: Մրցանակը հանձնվել է Բոսնիա-Հերցեգովինայի Դաշնության Սերբական Հանրապետության մայրաքաղաք Բանյա Լուկայում կայացած պոեզիայի միջազգային փառատոնի շրջանակում՝ բանաստեղծ, թարգմանիչ Բաբկեն Սիմոնյանին՝ գրական-թարգմանական գործունեության 50-ամյակի առթիվ։

Բաբկեն Սիմոնյանը պատմում է, որ իր թարգմանությունները, մասնավորապես Չարենցի պոեզիան, սերբերենով ընկալվել են մեծ հարազատությամբ։ Մրցանակի պայմաններից մեկն էլ այն է, որ եկող տարի Սիմոնյանի գիրքը լույս կտեսնի սերբերենով։