Թրամփը միջնորդել է Թաիլանդի և Կամբոջայի խաղաղության համաձայնագրին

Կուալա Լումպուրում Թաիլանդը և Կամբոջան ստորագրել են խաղաղության նոր համաձայնագիր՝ ԱՄՆ նախագահ Դոնալդ Թրամփի մասնակցությամբ։ Արարողության ընթացքում Թրամփը հայտարարել է, որ սա «կարևոր օր է Հարավարևելյան Ասիայի համար»՝ ընդգծելով իր միջնորդական դերակատարումը երկու երկրների հակամարտության կարգավորման հարցում, հայտնում է BBC-ին։

Ըստ համաձայնագրի՝ կողմերը պայմանավորվել են սահմանից դուրս բերել իրենց ծանր զրահատեխնիկան և ստեղծել ժամանակավոր դիտորդական խումբ այն վերահսկելու համար։

Նրանք նաև նախատեսում են ականազերծման նոր գործընթաց և ժամանակավոր սահմանային նշանների տեղադրում իրականացնել։ Թրամփը իր ելույթում ընդգծել է, որ իր միջնորդությունը նպաստել է հրադադարի պահպանմանը՝ էլ ավելի ամրապնդելով խաղաղարարի իր իմիջը։