Կիբերհարձակումներ. եվրոպական մի քանի օդանավակայաններ տեխնիկական խնդիրներ ունեն

Եվրոպական մի քանի օդանավակայաններ հաքերային հարձակումներից հետո տեխնիկական խնդիրներ ունեն, հաղորդել է dpa լրատվական գործակալությունը։

Բեռլինում խափանվել են ուղևորների գրանցման համակարգերը։ Օդանավակայանը ստիպված է եղել անջատել դրանք։ «Հարձակման թիրախն օդանավակայանը չէր և միայն անուղղակիորեն է տուժել»,-հայտնել են պաշտոնյաները։

Բրյուսելի օդանավակայանը հայտարարել է, որ համակարգերի խափանումը կազդի ավիափոխադրումների վրա։ Նշվում է, որ ավտոմատ գրանցումը որոշ ժամանակ անհասանելի է եղել։ Ուղևորներին խորհուրդ է տրվել օդանավակայան մեկնելուց առաջ բավարար ժամանակ տրամադրել բոլոր ընթացակարգերն անցնելու համար։

Լոնդոնի Հիթրոու օդանավակայանը հայտարարել է, որ հնարավոր են ուշացումներ՝ հավելելով, որ որոշ ավիաընկերությունների գրանցման համակարգերը տեխնիկական դժվարություններ ունեն։