Ռուսաստանն ի՛նքն է իրեն դուրս թողել գործընթացներից. «Առանց տողատակի»

Հարավային Կովկասում Ռուսաստանի դիրքերի թուլացումը բացառապես Մոսկվայի քաղաքական ֆիասկոյի հետևանքն է։ Այս մասին Լևոն Սարդարյանի «Առանց տողատակի» հաղորդմանը կարծիք է հայտնել քաղաքագետ Արմեն Վարդանյանը։

Ըստ նրա՝ Վաշնգտոնում ստորագրված եռակողմ հռչակագիրը կարող էր և չլիներ, եթե Ռուսաստանը ժամանակին համաձայներ պաշտոնական Երևանի առաջարկին՝ մասնակցել «Խաղաղության խաչմերուկ»-ի ձևավորմանը։ Իսկ հիմա, ըստ Վարդանյանի, արդեն ստեղծված իրավիճակում Ռուսաստանը պարզապես ի զորու չէ տարածաշրջանում դիմակայել ԱՄՆ-ին և Մոսկվան ստիպված է լինելու հաշվի նստել նոր իրողությունների հետ։