Աղստև գետի աղտոտման խնդիրը երկար տարիներ մտահոգում է Տավուշի մարզի բնակիչներին։ Սակայն այս պատմությունը միայն ահազանգման մասին չէ։ Սա համայնքային շարժման, երիտասարդների ներգրավվածության և լուծումների որոնման փորձի պատմություն է։
Հենց այս մոտեցմամբ է գործում Տավուշի մարզում ստեղծված «Քաղաքացիական երիտասարդական կենտրոն» հասարակական կազմակերպությունը, որը տարիներ շարունակ տարբեր հարթակներում բարձրաձայնում է Աղստև գետի աղտոտման խնդիրը։
«Քո ձայնը» հաղորդման հյուրերն են «Քաղաքացիական երիտասարդական կենտրոն» համայնքային զարգացման ՀԿ նախագահ Արփինե Երիցյանը և նույն ՀԿ-ի հիմնադիր անդամ Նարինե Չուխուրյանը։
