ՌԴ նախագահ Վլադիմիր Պուտինը ամերիկացի պաշտոնակցի հետ երկժամանոց հեռախոսազրույցն անվանել է «բովանդակալից եւ անկեղծ» խոսակցություն։ Պուտինը հայտարարել է Ուկրաինայի հետ ապագա խաղաղության պայմանագրի հուշագրի շուրջ աշխատելու իր պատրաստակամության մասին։
«Ռուսաստանը պատրաստ է Ուկրաինայի հետ աշխատել «հնարավոր ապագա խաղաղության պայմանագրի մասին հուշագրի» վրա՝ սահմանելով մի մի շարք դիրքորոշումներ. «օրինակ՝ կարգավորման սկզբունքները, հնարավոր խաղաղության համաձայնագրի ժամկետները և այլն, ներառյալ որոշակի ժամանակահատվածով հնարավոր հրադադարը, եթե համապատասխան համաձայնություններ ձեռք բերվեն»,- հայտնում է ՏԱՍՍ- ը։
