Մոնտեբելոյի Հայոց ցեղասպանության հուշակոթողն ստացել է պատմական հուշարձանի կարգավիճակ

Մոնտեբելոյի Հայոց ցեղասպանության զոհերի հուշարձանը ճանաչվել է Կալիֆորնիայի նահանգի  պատմական հուշարձան, հայտնում է ANCA-ն։ Որոշումը միաձայն ընդունել է նահանգի Պատմական ռեսուրսների հանձնաժողովը։

Մոնտբելոյում գտնվող Ցեղասպանության հուշարձանը կառուցվել է 1968 թվականին։ Լինելով ժամանակակից կառույց` այն կրում է հայկական եկեղեցական ճարտարապետության ավանդական տարրերը։ Հուշարձանը Մեծ եղեռնին նվիրված առաջին խոշոր համալիրն է  ԱՄՆ-ում։