Թեհրանը հասկանում է, որ ԵՄ դիտորդները Հայաստանում են հայ-ադրբեջանական սահմանին հնարավոր լարվածությունը կանխելու համար՝ այսօր լրագրողների հետ հանդիպմանը նման գնահատում է արել ՀՀ-ում Իրանի դեսպան Մեհդի Սոբհանին։
Նա նշել է, որ Իրանի առաջնահերթություններից է հարատև խաղաղության և կայունության ապահովումը տարածաշրջանում։ Դեսպանը վերահաստատել է Թեհրանի դիրքորոշումը՝ ընդգծելով, որ Իրանը դեմ է Հարավային Կովկասում միջազգային սահմանների փոփոխությանը և ուժի կիրառմամբ խնդիրների լուծմանը։
Սոբհանիի խոսքով՝ այսպես կոչված «Զանգեզուրի միջանցքի» հարցում Իրանը զիջումների կամ գործարքի գնալ չի պատրաստվում, քանի որ սա իր անվտանգության հարցն է համարում: «Միայն Հայաստանն ու Իրանն են, որ այսպես կոչված, «Զանգեզուրի միջանցքի» մասին միատեսակ են մտածում և տարաձայնություն չունեն», — նշել է դեսպանը:
Հատված՝ «Ռադիոլուրի» հիմնական թողարկումից
