Արտավանցիները գյուղական դպրոցի ու դրա խնդիրների մասին պատմում են և՛ ժպիտով, և՛ մտահոգությամբ։ Նախ՝ մտահոգությամբ․ գյուղի դպրոցի աշակերտների ընդհանուր թիվը՝ 28 երեխա, մեկ դասարանի չափ է․ 2-րդ և 6-րդ դասարաններ էլ չկան աշակերտ չլինելու պատճառով։ Գյուղում ուսուցիչների խնդիրը լուծելու համար ամեն օր 5 ուսուցիչ է Վայք քաղաքից գալիս Արտավան։ Խնդրի լուծումը գյուղում ինքնաբերաբար է տրվել, սակայն արտավանցիները սիրում են դրա մասին հումորով պատմել ու պնդել՝ իրենք խնդիրներն իրենց «մոդելով» են լուծում։
