Լոս Անջելեսի անտառային հրդեհներից տուժածներին մտահոգում է այն հարցը, թե արդյոք ապահովագրական ընկերությունները կկարողանան փոխհատուցում տրամադրել։
Ինչպես հայտնում է Reuters-ը, Լոս Անջելեսի շինարար Իվան Դե Լա Տորեն՝ ուսումնասիրելով հրդեհից ավերված Ալտադենայում ծխացող բեկորների լանդշաֆտը, ասել է, որ իրեն հուզում է մի հարց. ինչպե՞ս են ապահովագրական ընկերությունները ծածկելու մի ամբողջ թաղամասի վերակառուցման ծախսերը:
Լոս Անջելեսի հարյուրավոր բնակիչները, որոնց տներն ամբողջովին մոխրացել են, վախենում են, որ իրենց ապահովագրական քաղաքականությունը չի կարող ծածկել վերակառուցման ծախսերը:
«Իմ մտահոգությունն այն է, որ ապահովագրական ընկերությունները չեն կարողանա կարգավորել բոլոր պահանջները և սնանկության դիմում կներկայացնեն, և վերջ: Դա սարսափելի է»,-ասել է 32-ամյա Դե Լա Տորեն։
Լոս Անջելեսից հյուսիս գտնվող արվարձանում՝ Ալտադենայում մոտ 40,000 մարդ է բնակվել։
66-ամյա դերասան Լեո Ֆրենկ III-ը, որը նույնպես կորցրել է իր տունը Ալտադենայում, ասում է, որ վախենում է, որ ապահովագրողները կարող են ձգձգել իրենց վճարումները և չկարողանան ծածկել վերակառուցման համար ամբողջ ծախսը:
Լոս Անջելեսում աղետալի հրդեհների զոհերի թիվը հասել է 11-ի։ Ներկայումս Լոս Անջելեսի տարածքում շարունակում են 6 խոշոր հրդեհներ մոլեգնել ընդհանուր 15 հազար հեկտար տարածքում։
