Հինգշաբթի Լիբանանի խորհրդարանը քվեարկությամբ նախագահ է ընտրել բանակի գլխավոր հրամանատար Ժոզեֆ Աունին։
Քվեարկության առաջին փուլում Աունը չի կարողացել ապահովել հաղթանակի համար անհրաժեշտ 86 ձայնը (128-ից) և ստացել է միայն 71 խորհրդարանականի աջակցությունը։
Հաղորդվում է, որ փուլերի միջև ընդմիջման ընթացքում լիբանանցի օրենսդիրներն ակտիվ խորհրդակցություններ են անցկացրել տարբեր մակարդակներում: Երկրորդ փուլում նա 99 ձայնով հաղթահարել է անցողիկ շեմը։
Լիբանանի նախագահի պաշտոնը թափուր էր ավելի քան երկու տարի։
Աունի ընտրությունը հնարավոր է դարձել շիա մահմեդականների շահերը ներկայացնող «Հեզբոլա» շարժման աջակցությունը վայելող Սուլեյման Ֆրանժյեի ինքնաբացարկից հետո։ Նա հայտարարել էր, որ իր աջակցությունն է հայտնում բանակի հրամանատարին։
Քվեարկության արդյունքների հրապարակումից անմիջապես հետո Աունը հավատարմության երդում է տվել Լիբանանին։
«Երդվում եմ հարգել լիբանանյան ազգի սահմանադրությունն ու օրենքները և պահպանել լիբանանյան ազգի անկախությունն ու տարածքային ամբողջականությունը»,- ասել է նա։
